Publicado en Esposiciones, Fototeca, Semeyes

Fototeca nel Muséu del Pueblu d´Asturies

Ne web del Muséu atoparéis una estupenda fototeca d´Asturies.  

Ente les semeyes, estes escenes de trabayu que fotografió Emilio Alonso García (1872-1948) nel conceyu de Colunga. Dalgunes de les sos meyores fotografíes son d’esti tipu, como estes de llavanderes nel ríu Llibardón en 1910. Nel llibru «Colunga na memoria, 1906-1936«, qu’acaba d’editar el muséu, podéis ver más imaxes d’esti fotógrafu que s’estableció nesta villa en 1892:https://museos.gijon.es/multimedia_objects/download?object_type=document&object_id=253279


 

 

La iniciativa foi promovida pola Asociación d’Amigos del Conceyu de Colunga, en collaboración col Conceyu y col Muséu del Pueblu d’Asturies, y cuenta cola supervisión de la bisnieta del autor, María José Priesca.

Alonso nació nel senu d’una familia d’ebanistes, pero llueu sintió interés pol arte de la fotografía, qu’aprendió de forma autodidacta. En 1910 foi nomáu corresponsal fotográficu de Prensa Española», y ente 1916 y 1920 acompañó al folclorista Aurelio de Llanu a retratar molinos y pontes, ente otres coses.

Autor:

Maestra de Llingua Asturiana Colexu Carmen Ruiz-Tilve - Uviéu