Publicado en Editoriales, Llibros Reciella, Poesía

Poemas y llibros “perguapos”

www.grupuepona.com
Asociación Cultural ensin animu lucro.
Páxina en Facebook.

Añadimos al Grupu Epona a nuestra barra lateral de sitios encametaos visitar. Asina, la reciella pue atopalo/visitalo con facilidá.

Gracies, Epona, polos vuesos recursos de baldre:

Preciosos poemes de Helena Trexu Fombella  …………………………………………………………………………………“ACABACIÓN DE LA VELEA”

Cuando la escuela s’enllene
de voces infantiles.
Cuando l’institutu
y la Universidá
abran les puertes
de la sabencia.

Cuando homes y muyeres
surfistes
calquen na tabla
enriba la mar nidio.
Cuando vuelvan los conciertos
les charres ya alderiques.

Cuando abran les llibreríes
y les galeríes d’arte,
los museos ya esposiciones.Cuando vuelvan rodar les bicicletes
y los paseos a la vera la mar.
Cuando’l personal sanitariu
recupere’l so llexítimu descansu.

Cuando la nuesa sidra
espalme otra vuelta
enllenando los chigres de gayola.

Cuando la normalidá sía un fechu
dibuxaremos a comuña
sorrisa entero.

“ABRIL SOLOMBRIEGU”

Amortez Abril
embaxo una plaga bíblica,
virus mamíferu
o arma biolóxica.

Amortez Abril
cuando fueya verde
trócase sombreru
nos árboles
y les margarines
ufren sorrisa entero.

Amortez Abril
cuando la muerte
afuega la vida.

 

Autor:

Maestra de Llingua Asturiana Colexu Carmen Ruiz-Tilve - Uviéu