Publicado en Día de...

Día del Arguyu Friki / Geek

&
Los frikis celebren esti día amarutándose de los sos personaxes de ficción favoritos y sopelexando la cultura fantástica y de ciencia ficción. Te esplicamos la celebración qu’empezó na plaza de Callao y estendióse por tol mundu. La iniciativa foi aniciada n’España en 2006 como’l Día del arguyu friki y estendida alredor del mundu vía Internet.

El día del arguyu geek (tamién conocíu n’España como friki) ye una iniciativa para promover la cultura geek, celebrada añalmente’l 25 de mayu.1​ La fecha foi escoyida en conmemoración del llanzamientu de 1977 de la Guerra de les Galaxes, pero comparte la mesma fecha con otres dos “festividaes” similares de fanáticos: Día de la toalla, para siguidores de la triloxía de la Guía del autoestopista galácticu por Douglas Adams, y el Magníficu 25 de mayu para los siguidores de Terry Pratchett Discworld.2​

El 25 de mayu ye la fecha na que, dende 2006, celébrase’l Día del Arguyu Friki‘, una fiesta que tien el so orixe nos foros d’internet españoles. El madrilanu Germán Martínez, conocíu en redes sociales como ‘Señor Buebo’, foi’l ceador de la web cola qu’arrincó esta xornada para reivindicar la cultura geek. La organización propunxo un alcuentru para consiguir una fecha similar a la del Día del Llibru, con descuentos en cómics y noveles en tiendes especializaes.

Los organizadores de la web escoyeron el 25 de mayu para conmemorar l’estrenu de ‘Una nueva esperanza‘, l’Episodiu IV de Star Wars, en 1977. L’acoyida a la propuesta foi espectacular: el primer Día del Arguyu Friki tuvo como eventu central la creación d’un Pacman (personaxe que n’España conocemos como’l Comecocos‘) formáu por barganal de 300 persones na plaza de Callao de Madrid, según cúntase na web.

Foi tal la repercusión que tuvo nos medios qu’a partir del añu siguiente otres ciudaes asonsañaron a Madrid entamando los sos propios eventos, y en 2008 yá tenía’l so desfile en EE.UU, con cientos de persones amarutaes de los sos personaxes de ficción favoritos. De magar, toa persona que se considera friki, yá sía pola so afición a la lliteratura de fantasía, al cine de ciencia ficción, a los cómics o los videoxuegos, demuestra con arguyu les sos aficiones y reivindica el so derechu a ser ‘distintu’.

 

Autor:

Maestra de Llingua Asturiana Colexu Carmen Ruiz-Tilve - Uviéu