Publicado en Guíes, Turismu

Lonely Planet publica la so primer guía d’Asturies

Autor: Giacomo Bassi
Editorial: GeoPlaneta
Temática: Viaxes
Númberu de páxines: 274
Escueye formatu Rústica ensin solapes
Preciu: 25.00 € Ver ficha

Giacomo Bassi cree que’l Principáu puede ser el llugar escoyíu polos turistes esti branu. Con sableres y montes espectaculares, y ciudaes llenes de vitalidá, Asturies ufierta numberosos curiosos que’l viaxeru va poder afayar con esta guía.

calca


El prestixosu sellu de viaxes Lonely Planet publicó la so primer guía monográfica d’Asturies. Un total de 275 páxines con fotografíes, mapes y planos detallaos del periodista italianu Giacomo Bassi, que se pasó 38 díes percorriendo en soledá un Principáu que, reconoz, sosprendió-y. Bassi cree firmemente que nesti branu marcáu pol coronavirus, Asturies puede ser el llugar escoyíu por munchos turistes. Lonely Planet ye unu de les editoriales más prestixoses del mundu con más de 500 títulos nel mercáu. ende agora, Asturies ta nesta colección de xoyes para viaxeros.

Resume: Asturies alluga un cientu de sorpreses capaces de seducir a tou tipu de viaxeros. Uviéu ye una ciudá rebosante d’ilesies y palacios qu’atrai pola so guapura y el so animáu ambiente, pero más allá de la capital, esperen tamién otres ciudaes que nun van defraudar al visitante, como la zaragatera y sorprendente Xixón, o la industrial Avilés, con un cascu medieval perbién calteníu. Y amás de los sos curiosos urbanos, Asturies ufierta tamién una plétora d’ayalgues naturales: una formosa mariña chiscada por recoletes villes marineres, y numberoses y plácides sableres, un interior apináu de tupios montes con aldegues nes que’l tiempu paez detenese… y de xacíu, los icónicos montes de los Picos d’Europa, derrotes per senderos d’increíble guapura y un paraísu absolutu para los amantes de la naturaleza y l’escursionismu. Con esta guía’l viaxeru va poder, sía como quier el so interés, sacar el máximu partíu a la rexón.

Autor:

Maestra de Llingua Asturiana Colexu Carmen Ruiz-Tilve - Uviéu