“La poesía ye l’espaciu qu’hai ente dos realidaes”
Anne Carson (Toronto, 21 de xunu de 1950) ye una poetisa canadiense en llingua inglesa, ensayista, traductora y profesora de lliteratura clásica y comparada na Universidá de Míchigan. Ta considerada pola crítica lliteraria como la poeta viva más importante de les lletres anglosaxones. Ta afincada en Nueva York.
Ver biografía.
Especialista na cultura y les llingües clásiques y en lliteratura comparada, antropoloxía, hestoria y publicidá, Carson ye, a xuiciu de la crítica, una de les escritores más esquisites y erudites de la lliteratura contemporanea, amás d’autora d’una obra hipnótica, na que funde estilos, referencies y formatos, y apueste polo híbrido ente lo grecolatino, lo medieval y lo contemporaneo.
Los versos d’Anne Carson, Premio Princesa d’Asturies de les Lletres, apaecieron nel númberu 10 d’Anáfora en traducción de Martín López-Vega. Norabona a la escritora y profesora de filoloxía clásica pol galardón.