Publicado en NATURA

Naz la primer cría de coala n´Australia

Naz la primer cría de coala tres los devastadores quemes d’Australia. Llámase ‘Ash’ y la so nacencia ye la noticia más esperada dende xineru. Ash ye la nueva cría nacida en xunu nel Australian Reptile Park de Nueva Gales del Sur (Australia). Ver paxina nel Facebook

«Tenemos un anunciu bien especial… ¡El nuesu primer coala de la temporada salió de la bolsa de ma para saludar!», anunciaba’l Australian Reptile Park va unos díes na so cuenta de Facebook. Una bona y esperanzadora noticia dempués de les quemes qu’afararon delles reserves de coalas de Nueva Gales del Sur va unos meses. Los cuidadores del parque nomaron Ash a la cría y van informando nes sos redes del so progresu.

El pasáu branu foi críticu n’Australia. Los trabayos de recuperación de coalas nun pararon dende’l pasáu avientu. Delles quemes llevaben activos dende agostu, y entós llegó’l branu nel Hemisferiu Sur y a los retos previos –ocalitos que s’ensuguen y víes fluviales onde yá nun hai qué beber– sumáronse más foles de calor infernal, más seca, más fueu.

Autor:

Maestra de Llingua Asturiana Colexu Carmen Ruiz-Tilve - Uviéu