Esti xueves, cumplense diez años ensin el gran escritor portugués, José Saramago, Premiu Nobel de Lliteratura en 1998. Una repasada por delles de les sos reflexones.
1. “La vida ye como los cuadros, convien miralos cuatro pasos tras”. En Tolos nomes.
2. “L’home más sabiu que conocí en tola mio vida nun sabía lleer nin escribir”. Discursu d’aceptación del Premiu Nobel de Lliteratura en 1998.
3. “El tiempu nun ye una cuerda que pueda midise nuedu a nuedu, el tiempu ye una superficie oblicua y ondulante que namá la memoria ye capaz de faer que se mueva y avere”. N’El evanxeliu según Xesucristo.4. “Cuántos ciegos van ser precisos para faer una ceguera”. N’Ensayu sobro la ceguera.
5. “El 47 per cientu de la riqueza mundial concentrase en 200 y tantes empreses multinacionales qu’exercen el verdaderu poder nel mundu y qu’enxamás se presenten a elecciones. Gástase más dineru n’unviar un aparatu a Marte pa buscar delles roques qu’en llegar con ayuda concreta a les persones que precisen más protección”. N’entrevista cola revista Viva’l 7 de xineru de 2001.
6. “La hestoria oficial que nos enseñen nun ye más que xuna selección de fechos entamaos coherentemente, anque nos la presenten como xuna fatalidá, como daqué, qu’asocedió porque nun podría asoceder otra cosa. Esa hestoria dexa enforma fuera: la hestoria escrita poles muyeres, los vencíos, los indios, los probes, tolos que nun tienen llugar na hestoria oficial o, cuando lo tienen, son un decoráu. A la de escribir una novela, yo tengo esa necesidá, dacuando obsesiva, de buscar lo que nun foi dichu y dacuando lo que nun foi dichu va en contra o alluma otra manera lo que sigo se dixo”. N’entrevista con Clarín, el 26 de xineru de 1995.
7. “El mundu tamién ye una noria y son los homes quien, andando nél, muévense y faen andar”. En Memorial del conventu
8. “Nun puede ser bonu un Dios que-y dea a un padre la orde de que mate y queme nuna foguera al so propiu fíu a cencielles pa poner a prueba la so fe, eso nun se-y asocedería nin al más malinu de los demonios”. En Caín.
9. “La edá tráinos una bona cosa que ye una cosa mala, asélanos, y les tentaciones, inclusive les imperioses, resúltennos menos urxentes”. N’El cercu de Lisboa.
10. “Les relixones, toes, por más vueltes que-y deamos, nun tienen otra xustificación pa esistir que nun sía la muerte; precísense como pan pa la boca”. En Les intermitencies de la muerte.
