España sigue depositando granes nel Bancu Mundial de Svalbard

• Fonte: CSIC /  tiny.cc/4oz9yz
• INIA-CSIC Comunicación comunicacion@csic.es
• ‘Svalbad Seedvault’: web / wiki / semeyes /

En 2022, l’Institutu Nacional d’Investigación y Tecnoloxía Agraria y Alimentaria (INIA) integrase nel CSIC, institución dependiente del Ministeriu de Ciencia, Innovación y Universidaes. Foi entós cuando empezaron a depositase semientes d’especies vexetales españoles nel Bancu Mundial de Granes de Svalbard (Noruega). Esta llínea de trabayu sigue anguaño para consiguir que, n’una década, el 40% de les colecciones actives calteníes nos 15 bancos de granes distribuyíos pol territoriu nacional, tengan non yá una copia nel Centru de Recursos Fitogenéticos (CRF) del INIA, sinón qu’ese mesmu material calténgase tamién nesta remota infraestructura científica, la mayor colección de l’grobiodiversidad mundial.

El Bancu de Granes Mundial, conocíu como ‘Svalbad Seedvault’, atópase n’una isla del archipiélagu árticu, en Noruega. Nun ye casualidá que tea nel Polu Norte. El motivu non solo débese a que la comunidá internacional púnxose d’alcuerdu por que se desenvuelvan actividaes científiques nos Polos, sinón que tamién se debe a la zona  na que s’atopa, denominada ‘permafrost’ –suelu permanentemente conxeláu-, yá que, como esplica Luis Guasch, director del INIA-CSIC, esto fai qu’inclusive ensin la refrixeración adicional (-18ºC/0 F) con que cunten les instalaciones, les granes van permanecer a baxes temperatures, dexando’l so caltenimientu al llargu plazu.

La caxa fuerte de toos, para salvaguardar l’alimentación

Esta magnífica caxa fuerte atesora nes sos cámares soterrañes más de 1,2 millones d’amueses de distintos cultivos que constitúin la mayor colección de seguridá de la biodiversidá agrícola global que salvaguarda la base de l’alimentación mundial. Pero nun fai falta treslladase al Polu Norte, una y bones esta infraestructura cunta colos bancos de tolos países y, al traviés de les colecciones actives, pon les granes a disposición de llabradores ya investigadores coles mires d’incorporar característiques interesantes tales como sabor, color, capacidá d’adaptación al cambéu climáticu o tolerancia a determinaes plagues o enfermedaes.

Para ello, nos últimos años, realizáronse multiplicaciones con protocolos de trabayu minuciosos, evitando cruces o amiestos por que les granes caltengan la diversidá orixinal y calténganse vidables mientres el mayor tiempu posible, y qu’asina puedan llegar a les xeneraciones futures.

Nesta ocasión, incluyéronse 42 especies distintes, fundamentalmente hortícolas, destacando les 33 nueves accesiones de tomates que se suman a los yá depositaos, faciendo un total de 94 variedaes de tomates depositaes; o les nueves 23 variedaes de xudíes qu’alcen el númberu total de tipos de xudíes a 225. Amás, depositáronse berces, acelgues, espinaques, llechugues, cebolles, pimientos o verdures tan nueses como la borraja o’l cardu. Tamién s’incluyeron na unviada variedaes tradicionales de trigu.

El compromisu d’España col caltenimientu de la biodiversidá agraria impulsó la consecución del Tratáu Internacional sobro los Recursos Fitogenéticos, que favorez l’usu d’estos materiales. Agora, el nuesu país tien la responsabilidá de siguir apurriendo materiales y conocencia yá que, mientres sieglos, collaboremos na introducción de distintes variedaes n’Europa, África o Iberoamérica, diversificando l’agricultura y faciendo la nuesa gastronomía muncho más variada y ponte de cultures.