La Casa de les Llingües de la Universidá d’Uviéu ufierta para’l cursu 2024-2025 casi 50 cursos en 11 llingües. Recuerda que tán abiertos al públicu xeneral, ensin necesidá de vinculación cola Universidá d’Uviéu.
Ufiértense 48 Cursos Xenerales de Llingües para’l cursu académicu 2024-25 nes nueses sedes d’Uviéu, Xixón y Avilés. Tolos cursos tienen 75 hores de duración. El períodu de matrícula, abiertu a mayores d’edá (antes del 31 d’agostu), escurre ente’l 1 y el 30 de setiembre.
