Una seronda más Piloña avérsase a la so cita más emblemática, la que tolos primeros domingos d’ochobre tien con les ablanes. Un eventu agroalimentariu que se bautizó como Festival de l’Ablanay del que celebramos anguaño 50 ediciones. Esta selmana del Festival entá puede inscribise la xente que quiera traer ablanes para la so vienta’l día 3 d’ochobre. CARTELU
Como na edición anterior, los actos oficiales vamos cellebralos el vienres, día 1 d’ochobre, cumpliendo asina colos aforos y dando más resalte a los mesmos. Poro, el vienres a les 20:00 hores na Plaza del Ganau vamos arrincar con un documental sobro la hestoria del Festival, el Pregón al cargu de El Prial, la entrega de les distinciones de Paisana y Paisanu del añu y, como colofón, vamos tener l’actuación musical de Candela Álvarez Rodríguez.
