“La seronda ye una segunda primavera
onde cada fueya ye una flor” Albert Camus.
:format(jpg)/f.elconfidencial.com%2Foriginal%2F0ca%2F183%2Fc0c%2F0ca183c0ce81c80ecf9785b39a5d233d.jpg)
La seronda empieza n’España güei, domingu 22 de setiembre de 2024 a les 14:44 hores. La duración d’esta seronda va ser aprosimao 89 díes y 21 hores, terminando’l 22 d’avientu col empiezu del iviernu.
Según la previsión, la nueva estación prevese más seca y templada de lo habitual. Calcúlase qu’hai un 70% de probabilidaes de que la seronda 2024 sía más templáu de lo habitual, frente a un 10% de probabilidaes de que sía más fríu. Asturies va tener una seronda templada y previsiblemente más secu de lo habitual, en pasando un branu que foi especialmente calorosu y húmedu.
- Fonte: RTPA /
La seronda espierta nos montes un cuadru pintorescu de colores. Ye dómina de pasiar mientres el día, esfrutando de la calidez del sol. Tamién d’enfusase na naturaleza y de triar la tierra moyada y les fueyes cayíes pol pasu del tiempu nos nuesos preciosos montes de castañales y hayas.
Tiempu d’esfoyaza, amagüestu, berra, San Martín y la gastronomía del gochu, Santa Bárbara y un montón de tradiciones.
Ye dómina de castañes asaes, de platos de cuyar, de calabaces y de preparar la casa para la Navidá. Una seronda de música, de cine y de Samaín y nueche de difuntos (Halloween). Ye tiempu de vendimia, mayar les manzanes, de setes y d’esfrutar de la naturaleza en tolos sos sentíos.
