La Tarrancha asoleya’l videu de «Pela carretera», un nuevu tema que fala de los viaxes y conciertos fechos nos sos venti años d’historia en clave humorística.El grupu de mecigayu ska La Tarrancha asoleyó esti pasáu vienres 13 de setiembre’l videoclip “Pela carretera“, un cantar inspiráu na melodía popular klezmer “Odessa Bulgar” y nel que collabora Pepín de Muñalén al vigulín. El tema fusiona los aires folk del Este col punk y el rap, y la lletra fala, como diz la banda, «de la carretera, de lo bono de conocer otros llugares, de conocer otres bandes, otres persones, de compartir otros manteles y de celebralo con daqué tan importante como ye la música en direuto».
CANCIÓN: “Pela carretera” Tradicional (Odesa Bulgar) y La Tarrancha
Collaboración: Pepín de Muñalén al vigulín.
Grabao y masterizao: Tutu Estudios por Sergio Rodriguez. 2024.
VIDIO: Direción: Delfín Valdés (Delfo) y Alejandro Viña (312 Films)
Guión: Delfín Valdés. Edición y postprodución: Alejandro Viña.
Salen: Componentes de La Tarrancha, Zeros y Vitor col so trator, Alejandro Santos (Mutan), la xente de La Traviesa y tamién tolos asistentes al conciertu La Traviesa (L’Infiestu)
Grabao en: EL Carbayal, Fonciello, La Venta Soto y Mosquitera (Siero) Les Pieces, La Sienra, El Valle y La Vega (Llangréu) Santuyano/Sanjulián (Bimenes) Cervecería La Traviesa (Piloña) (Asturies. 2024)
