ATAPECER v.: ‘Escurecer’; ‘Facese de nueche’.
- Ye probable que l’orixe d’esti verbu s’afaye nel llatín TABESCERE ‘consumise’, ‘menguar’, ‘desfallecer’, d’onde pue xustificase la rellación semántica ‘menguar/consumise’l día’ > ‘escurecer’. Con too, el resultáu esperable habría ser (a)tabecer, con oclusiva sonora, que nun se documenta.
- La espresión cola sorda -P-, única reconocible anguaño, hubo sufrir l’analoxía con dalguna otra palabra, quiciabes «tapa» / «tapar» (< góticu TAPPA), que non solo s’avera semánticamente sinón que permite desplicar l’apaición de -P-. Ye mayoritaria la variante con a- protética.
- A partir de «atapecer», xurden dellos sustantivos, como «atapecida» o «atapecerín» (ello ye, ‘momentu de la última lluz del día al escurecer’).
