CIGUA s.f.: ‘Mala suerte’; ‘Oxetu [en forma de mano zarrada al que se-y atribuyen poderes y que se cree que defende del agüeyamientu a la persona que lu lleva puestu]’.
- Deverbal de «ciguar», verbu construyíu a partir d’un continuador del llatín CICUTA ‘velenu’.
- Pervese una evolución semántica del tipu ‘envelenar’ > ‘causar mal’ > ‘maldicir’, que trunfó sobre formes con conservación de la oclusiva como cigu(d)ar / cigu(d)a (cf. gallegu y portugués «cegude»).
- N’asturianu, más te val nun «tener la cigua».
