- Fonte: Actualidá Asturies /
Nun va haber paz ensin les muyeres.
El documental ‘Nun va haber paz ensin les muyeres. Palestina’ va centrar l’actu institucional del Día Internacional de los Derechos Humanos. L’eventu va tener llugar mañana, a les 18:30 nel palaciu Conde de Toreno, n’Uviéu. La periodista Patricia Simón y el fotoperiodista Alex Zapico van presentar el reportaxe.
El Gobiernu d’Asturies va celebrar mañana l’actu institucional del Día Internacional de los Derechos Humanos, qu’anguaño se centrará na campaña Nun va haber paz ensin les muyeres. Palestina, cola presentación del documental producíu pola periodista Patricia Simón y el fotoperiodista Alex Zapico, que van participar nel eventu.
L’actu va tener llugar a partir de les 18:30 hores, cola intervención de la conseyera de Derechos Sociales y Bienestar, Marta del Arco, y la directora de l’Axencia Asturiana de Cooperación al Desenvolvimientu Beatriz Coto. Coles mesmes, van intervenir dos de les protagonistes palestines protagonistes del documental.
El Gobiernu d’Asturies yá impulsó en 2014 la campaña Nun va haber ensin paz ensin les muyeres, que la so finalidá yera recoyer el testimoniu de muyeres palestines ya israelines comprometíes cola paz. Al traviés d’entrevistes con muyeres palestines, se documentaron les fórmules que desenvolvieren pa sobrevivir física y psicolóxicamente, construyir pontes d’entendimientu y faese oyer ente la opinión pública internacional. Tamién participaron muyeres israelines defensores de los derechos humanos que trabayaben pola paz, pol derechu a un Estáu del pueblu palestín y por unes condiciones dignes de vida pa los sos habitantes.
Diez años dempués, énte la gravedá d’esta crisis humanitaria, la urxencia del altu al fueu y el respetu a dereches internacional humanitariu, amás de les perdes irreparables na población palestina y el personal humanitario, l’axencia recupera de nuevu esta iniciativa, dirixida a promover la cultura de paz.
La campaña tien un doble oxetivu: per un sitiu, sensibilizar a la sociedá asturiana sobro la vulneración de los derechos humanos de les muyeres na Palestina ocupada y, por otru, amosar cómo los conflictos afecten con mayor roxura a les muyeres y neñes, y denunciar la so invisibilidá nos procesos de paz.
