- Fonte: LNE / artículu LNE /
- María Fdez. Abril: wiki / RTPA Pieces «La quema» / Uniovi /
Una poeta mierense espunta n’España: María Fernández Abril crucia con Caperucita una «atrevida» sienda. La escritora asturiana, nacida en 1992, recibe unu de los accésit del premiu que ye la cantera de les nueves voces de la poesía española: «Asturies puede presumir de tener munchos y bien bonos poetes».
Ye autora del llibro relatos Una llínea na paré (Uviéu, Universidá d’Uviéu, 2020) col que ganó l’IX Concursu Lliterariu de la Universidá d’Uviéu (modalidá prosa), y del poemariu Lo que saben los árboles (Uviéu, Trabe, 2023), galardonáu col Premiu Asturies Nuevu de Poesía 2022. Collabora regularmente con Anáfora y Revista de Lliteratura.
«La quema»
¿Qué me vas a dicir esta nueche
cuando te fale d’olvidu?
Vanessa Gutiérrez
Diome por prender la cocina carbón
qu’heredara de mio güela.
Nun yera un ochobre mui fríu
pero albidré que taba bien la tarde
pa echar esos periódicos,
preparar un guisu,
gastar lleña,
y quemar tolo malo d’estos años.
La escritora mierense María Fernández Abril, nacida en 1992, yá forma parte de la fértil cantera del premiu «Adonáis» de poesía y consolídase como una voz emerxente de la poesía española polo xeneral y asturiana en particular.
Con Cuentos tradicionales» llevóse un accésit del galardón, y reconoz a LA NUEVA ESPAÑA qu’amedrana «un pocu, sobremanera cuando, al revisar la nómina d’autores que, dende 1943, fueron galardonaos con un premiu o un accésit das cuenta de que pases a integrar una llista na que figuren los nomes qu’escribieron la hestoria de la poesía española de la segunda metá del sieglu XX, como José Fierro o Ángel González».
Revista Anáfora/ Una nueva estrella de la poesía en Asturias. /
María Fernández Abril ye doctora n’Investigaciones Humanístiques pola Universidá d’Uviéu. La so tesis doctoral «América en Feijoo y Feijoo n’América», qu’estudia la doble dirección de la tema americana en Benito Jerónimo Feijoo -el tratamientu que’l benedictín otorgó a les distintes cuestiones americanes, según la recepción de los sos escritos n’América- foi dirixida pol Dr. Eduardo San José Vázquez, encuádrase dientro de los esfuerzos investigadores del Institutu Feijoo d’Estudios del Sieglu XVIII y foi posible gracies a un contratu predoctoral Severu Ochoa para la formación del profesoráu universitariu.
Una vegada defendida la so tesis doctoral, tuvo contratada a cargu del proyectu I+D+I «Censura gubernamental na España del Sieglu XVIII», que la so IP ye la Dra. Elena de Lorenzo Álvarez. Anguaño, ye profesora d’enseñanza secundaria nel IES El Batán, de Mieres (Asturies).
A lo llargo de la so trayectoria académica, impartió creitos n’asignatures de Lliteratura Española ya Hispanoamericana nel Departamentu de Filoloxía Española de la Universidá d’Uviéu y participó na organización d’actividaes científiques. Realizó estancies d’investigación na Universidá Nacional Autónoma de México, nel l’Université de Toulouse II – Jean Jaurès y na University of Warwick (Coventry, UK). Nel cursu 2016-2017, foi Teaching Associate na Universidá de Massachusetts-Amherst y realizó la estancia Erasmus en l’Université Paris IV-Sorbonne.
