- La Nueva España Digital – LNE.es / imaxe
- ‘New York Photography Awards’: web / Facebook / GANADORES /
«The Dancie of Cider: Art and Tradition/La danza de la sidra: arte y tradición«
«El mio destín nesta vida nun yera faer fotografíes, sinón sidra, porque soi nietu y fíu de llagareros. Lamentablemente, la década de los setenta foi nefasta para la sidra y llevóse per delantre munchos llagares, ente ellos Sidra Ornia. De nun ser asina, güei taría tan satisfechu faciendo sidra como lo toi faciendo fotografíes, por que la sidra y lo que la arrodia enraigonó en mi de neñu y güei sigue siendo la mio pasión».
José Ornia (Nava, 1963) esplica la razón de ser de la imaxe que-y valió xuna Medaya de Plata na última edición de los «New York Photography Awars». «The Dancie of Cider: Art and *Tradition/La danza de la sidra: arte y tradición», la fotografía galardonada na categoría d’alimentos y bébores del certame, capta’l momentu nel que la botella entornada arrama la sidra, nun remexu doráu que ruempe’l negror del fondu.
La semeya nun ye recién, ta tomada fai yá dalgún tiempu y so autor guárdalo como daqué personal. José Ornia cuenta que s’animó a presentala al certame arriendes de la declaración de la popular y emblemática bébora asturiano como Patrimoniu Cultural Inmaterial de la Humanidá pola Unesco. «Asocedióme contribuyir a la internacionalización de la sidra y presentélo a esti concursu en Nueva York», comenta.
Ornia, actual vicepresidente de la de l’Asociación de Fotógrafos Profesionales d’España, atesora una llarga trayectoria y munchos premios. Empecipió na fotografía cuando apenes tenía 11 años d’edá y a los 13 mercóse la so primer cámara réflex. A los 17 años ingresó nel Institutu d’Estudios Fotográficos de Cataluña. Exerció l’oficiu en Barcelona y dempués d’unos años treslladose col so estudiu a Asturies.
La so actividá profesional ta centrada nel campu de la publicidá y a principios d’este mesmu añu llogró dos mentes honorífiques, tamién nel certame neoyorquín, con otres tantes semeyes de tema gastronómica, nes que retrataba dos de los platos de la carta del restorán NM, unu de los establecimientos que Nacho Manzano tien n’Uviéu y que l’añu pasáu recibió la so primer estrella Michelin.
El fotógrafu naveto José Ornia trunfa nos New York Photography Awards. La fotografía galardoná ye un homenaxe a la cultura sidrera. #Sidra #Fotografía #Asturias #NYPhotographyAwards #NYAwards
