Siéntila nel nuesu perfil de Spotify.N’ochobre de 2017, musicasturiana.com entamó a facer playlists dedicaes a distintos estilos y novedaes de la música’l país. Música Asturiana, Novedaes Música Asturiana, Rock n’asturianu, Folk Asturianu fueron les cuatro primeres, a les que fueron amestándose otres temátiques como la de L’Asturianu Llingua Oficial, que compila cantares en defensa de l’asturianu; Nuevo en Spotify a la que se van sumando tolos llanzamientos dixitalizaos por musicasturiana.com; les de Conexones, dedicaes a otres músiques del mundu; los sones que nun pueden faltar nuna Nueche en Danza atropaos en ¡A Baillar!; les de La Banda Sonora De…, na que distintes persones de la escena musical asturiana escueyen los 20 cantares que más-y presten; o, ente otres, la incorporación de les Esto ye, dedicaes a artistes y grupos clave de la historia reciente de la música asturiana. Agora’l llistáu medra con Semando música moza n’ast.
Musicasturiana.com celebra la III edición del Semando Fest con esta llista de 30 temes en 2 hores na que suena la música moza del país d’anguaño y d’antaño; una compilación d’estilos estremaos -dende’l folk y l’asturianada hasta’l ska o’l punk- qu’inclúi cantares de los grupos que tocaron o van tocar nel festival y, amás, les melodíes y composiciones de los grupos que foron mozos nos caberos años del sieglu XX y entamu de los 2000.
El III Semando Fest ye una iniciativa entamada por Musicasturiana.com y Ixuxú Cultura que nagua por puxar pol relevu xeneracional na música asturiana; por ufrir un festival con un formatu orixinal qu’entemeza aspectos d’una gala colos d’un conciertu al usu; que reivindica les sales de conciertos como un espaciu afayadizu pal exposigue de la música de raigañu; y qu’apuesta por da-y oportunidaes a les y los creadores xóvenes. El viniente sábadu 8 de febreru va sonar na sala Lata de Zinc d’Uviéu una mestura d’estilos coles músiques d’Abéu, Ferla Megía, Alienda y Melandru. Les entraes yá tan disponibles pa mercar na tienda online.
