«El fin ye compartir la solidaridá y animar a que cualquier artista puea versionala»
Una ventena de músicos collaboren nel tema ‘Nun ye delitu’ en sofitu a les seis de La Suiza. Yá s’asoleyó’l videoclip de ‘Nun ye delitu’, el cantar en sofitu a les sindicalistes de la 6 de La Suiza nel que participen delles artistes del país. Berto (Skontra), Delfo (La Tarrancha), Arantxa Carcedo, Silvia y Gema (Silvidos y Gemidos), Xune (Dixebra) y Mon (Los Berrones).
- Fonte: Musicasturiana / RTPA /
- El videoclip grabóse en Tutu Estudios y foi editáu por Covenant Audiovisuales
- Una ventena de músicos asturianos xuniéronse nuna canción de sofitu a les seis sindicalistes de La Suiza.
- El tema ‘Nun ye delitu’, con música de Skontra, foi presentáu ayeri na Casa del Chino de Xixón nun conciertu de sofitu a les trabayadores condenaes a tres años y mediu de prisión por un delitu de coacciones graves al dueñu de la pastelería en 2016.
- El videoclip grabóse en Tutu Estudios y foi editáu por Covenant Audiovisuales.
Esti vienres La Casa’l Chinu de Cimavilla acoyó la presentación de ‘Nun ye delitu‘, el cantar en solidaridá coles 6 de La Suiza nel que participen dellos artistes de la música asturiana. Nel actu estrenóse’l videoclip d’esti tema -que tamién ta disponible nes demás plataformes musicales– y participaron dalgunos de los músicos y músiques que ponen voz y música al tema: Berto (Skontra), Delfo (La Tarrancha), Arantxa Carcedo, Silvia y Gema (Silvidos y Gemidos), Xune (Dixebra) y Mon (Los Berrones).
«Creo que, en realidá, ye un gran abrazu musical a les nueses compañeres sindicalistes de La Suiza». Asina presentó’l cantar l’autor de la lletra, l’escritor y periodista Paco Álvarez, encargáu d’abrir per videollamada esti emocionante actu. Tres de la intervención d’una integrante del grupu de sofitu a les 6 de La Suiza, Berto de Skontra cuntó’l procesu de creación de ‘Nun ye delitu’. Nació a encargu d’esti colectivu que pidió a Skontra la composición musical y tamién la grabación d’un «tema coral» cola participación d’otros artistes del país. Asina ye como, amás de los presentes nel actu d’ayeri, tamién andecharon 6 Riales, Pauline en la Playa y Burilo de Skama la Rede. Amás húbolos qu’amosaron el so apoyu, pero «por problemes d’axenda», nun pudieron: Leticia Baselgas (L-R), Marisa Valle Roso, Nacho Vegas, Raquel (Ochobre) y Rodrigo Cuevas.
Llueu intervino Luara, una de les condergaes nel casu de La Suiza, pa reconocer que «nun ye fácil xuntar a tantes persones en dos díes pa facer esta canción» y agradecer la so implicación a les y los músicos, amás de a otres persones que participaron nel procesu: Sergio Rodríguez de Tutu Estudios (grabación y producción) y Omar Tuero (realización audiovisual). Finalmente, dende’l grupu de sofitu plantegaron qu’«el fin ye compartir la solidaridá y animar a que cualquier artista puea versionala», faciendo por que s’esparda’l compromisu de la escena musical con esta causa. Mesmamente, la primer versión d’esti tema pudo sentise ayeri, cuando tolos artistes presentes tocaron una reinterpretación n’acústicu del cantar. Con elles restallaron les palmes y los gargüelos de la xente qu’enllenó la Casa’l Chinu, avivando la llama de la solidaridá.
Persecución sindical
El casu de les 6 de La Suiza ye ún de los más graves de persecución a l’acción sindical nos últimos años. Surde nel añu 2017 cuando una trabayadora de la pastelería La Suiza denunció acosu llaboral y sexual contra’l dueñu del negociu y, arriendes d’ello, prodúcense una serie de movilizaciones poles que fueron condenaes seis persones a tres años y mediu de cárcel y una multa de mas de 125.000 euros. Por mor d’ello ta habiendo varies acciones de sofitu nes que la cultura ta tomando partida con esti cantar o con iniciatives como la d’Arte poles 6.
