Jonatan García, Juan Carlos Gómez y Marco Antonio Menéndez. / LNE
- 👩🍳Los oricios asturianos lleguen a la mesa. Nes pescaderíes viéndense en redol a los 26 euros el quilu y nos restoranes, a 30 €/quilo.
- Fonte: LNE / LNE / El Comercio /
- #PescaSostenible #Oricios #Marisco #Mar #Asturias
Y los mariscadores volvieron a por oricios asturianos nueve años dempués: asina tornaron a los pedreros. «Yera un tiempu que facía falta pa que se repoblara la especie», aseguren los pescadores na primer campaña depués d’una llarga prohibición.
Tuvieron qu’esperar nueve años, pero esti día, por fin, los mariscadores asturianos pudieron salir a pañar oricios. Fixéronlo, eso sí, con restricciones. El Principáu autoriza la captura en trés zones, repartíes ente Navia y Llastres. Pero llinda los díes a 13, ente’l 3 de febreru y el 31 de marzu, y el cupu nun va poder superar los 15 kilos diarios por persona; 15.000 kilos al terminar la campaña. Tampoco puede facelo cualquiera. Nesta ocasión hai 103 pescadores, escoyíos en función de l’antigüedá dientro de la so cofradía y les ventes que llograren en 2016, la última campaña que se pudo facer.
Na playa de Val.louta (Cuideiru), llegaron a axuntase esti día 26. Ún d’ellos ye Marco Antonio Menéndez. «Esto nun ye lo avezao. De normal, vamos en grupos de trés o cuatro, pero coles foles qu’hai estos díes ye imposible dir a otru pedreru», indicaba. La orografía d’esta sablera valdesana, amplia y recoyía de la marea, conviértese nun sitiu amañosu pa una actividá, prohibida dende 2016, cuando’l Principáu impulsó la veda coles mires de repoblar una especie que yá llevaba años en retrocesu.
P’hacia les trés de la tarde, fueron quitando los neoprenos. Jonatan García lleva faciendo’l mesmu ritual dende los 15 años. «Bono, llevábamos paraos cuasi diez», ría. Y siguía: «Anque’l parón facía falta». «Va años podía pescar cualquiera que tuviera una llicencia de pesca deportiva. Veníes y cuasi nun podíes nin aparcar… ¡Como pa pillar oricios!», quexábase esti vecín de Xixón que foi probar suerte al occidente asturianu . «Ye onde más se repobló la especie», esplicaba.
Cola captura del día, yá en caxes refrigerantes, punxeron rumbu escontra la rula d’Avilés onde la venta tuvo finalmente un preciu mediu de 16,30 euros. «Nun vamos llegar a los precios d’otros años porque hai muncha ufierta, pero tamos contentos», aseguraba Juan Carlos Gómez, que lleva 34 años saliendo a los pedreros. «Facíanos falta recuperar, lo malo ye que nos dexen 13 díes namás pa salir», dicía, mirando la so caxa verde enllena de oricios: «Esto depende muncho de les marees… A ver si hai suerte».
La continuidá d’esti tipu de campañes nel futuru va depender del resultáu de la d’esti añu, que va sirvir pa midir si’l recursu pesqueru ye abondu depués d’años de veda y repoblamientu, pero, sobremanera, pa ver si ye rentable.
Ónde comer los meyores oricios en Xixón. Los restoranes participantes nel eventu ‘La mar d’oricios’ van poner a disposición esti mariscu en distintes versiones, dende cocíos hasta mueyos como acompañante de distintos pexes, dende esti vienres hasta’l 9 de febreru
Crudu, cocíu, en revueltos, pasteles o en mueyu. Ventiún establecimientos xixoneses van sirvise oricios en toles sos versiones como acompañante perfectu a distintos pexes. Esta iniciativa forma parte de ‘La Mar d’Oricios’, el primer eventu de lo que na selmana pasada en Fitur presentóse como la marca ‘Xixón con Gustu’, que va a englobar tolos eventos gastronómicos rellacionaos con productos de gran enraigono na ciudá. va desenvolvese dende güei hasta’l próximu 9 de febreru.
Los establecimientos participantes son El Planeta, Los Pomares, El Globu, Sidrería Asturies, El Lavaderu, Crettino, El Llagar de Begoña, La Nueva Zamorana, Ponte Romana, Los Campinos, El Restallu, La Casa Del Mar, Cabanaquinta, Casa Julio, El Sabugu, Kraken, Bömarzo, El Mancu, Casa Suncia, Hotel Asturies, La Farola, El Rincón de Toni y Sidrería Alberto. Toos ellos identificaránse al traviés de la cartelería promocional que se va colgar nos mesmos. Los precios de les tapes van variar según l’establecimientu.
