Subenciones para remocicar horros, paneres y cabazos

• Les bases asoleyáronse güe nel BOPA y la fecha llende pa presentar solicitús ye’l 4 de marzu
• Un total de 450.000 euros para remocicar horros, paneres y cabazos
• Cultura llanza una llinia de subvenciones de 450.000 euros pa remocicar horros, paneres y cabazos. Hai dos novedaes na convocatoria: l’ayuda abonaráse de manera anticipada y amás ampliaráse’l plazu pa executar les obres hasta un añu dempués de la concesión de la subvención.
• Les bases asoleyáronse nel BOPA y la fecha llende pa presentar solicitús ye’l 4 de marzu.
• Les subvenciones cubren hasta’l 75% del presupuestu, con una cuantía máxima de 6.000 euros por solicitú.

Cultura llanza una llinia de subvenciones de 450.000 euros pa rehabilitar horros, qu’incluye’l pagu antemanáu de l’ayuda y l’ampliación de los plazos pa executar les obres

• Les solicitúes van poder presentase hasta’l 4 de marzu y van facilitar la recuperación del patrimoniu cultural

El Boletín Oficial del Principáu d’Asturies (BOPA) publicó güei una convocatoria de subvenciones por valor de 450.000 euros pa la restauración d’horros, paneres y cabazos. La Conseyería de Cultura, Política Llingüística y Deporte flexibilizó les bases pa dexar pagar antemanadamente les ayudes y p’ampliar el plazu pa realizar los trabayos hasta un añu dende la comunicación de la mesma.

Les solicitúes pueden presentase hasta’l 4 de marzu, y la convocatoria pue consultase nel enllaz https://tinyurl.com/4av7ukkv.

Estos cambeos nes condiciones van facilitar la recuperación del patrimoniu cultural, cumpliendo colos compromisos adquiríos pola Conseyería depués del éxitu de la convocatoria d’ayudes del añu pasáu. Les subvenciones, que se van conceder en réxime de concurrencia competitiva, tán dirixíes a persones físiques o xurídiques, y tamién a instituciones ensin afán d’arriquecimientu, que seyan propietaries o posesores con consentimientu del propietariu d’estos elementos patrimoniales.

Los bienes subvencionables han cumplir polo menos una d’estes condiciones:

• Tar incluyíos nos catálogos urbanísticos municipales aprobaos depués de la entrada en vigor de la Llei 1/2001, de 6 de marzu, de Patrimoniu Cultural, con un nivel de protección integral.
• En conceyos ensin catálogos urbanísticos aprobaos tres de la Llei 1/2001, los bienes tienen que ser anteriores a 1940 y destacar pola so talla, decoración o característiques constructives.

Les subvenciones cubren hasta’l 75 % del presupuestu, con una cantidá máxima de 6.000 euros por solicitú. L’importe total destináu a esta convocatoria xube a 450.000 euros.

Ayudes pal patrimoniu cultural asturianu

Amás, la Conseyería convocó otru programa de sofitu económicu por un importe total de 125.000 euros pal estudiu, promoción y puesta en valor del patrimoniu cultural asturianu, tanto material como inmaterial, amás d’archivos de la tradición oral. Estes ayudes tán dirixíes a entidaes ensin afán d’arriquecimientu, particulares y empreses, según les distintes llinies d’actuación, con un importe máximu de 6.000 euros por solicitante.

El plazu de presentación de solicitúes pa estes subvenciones acaba’l 26 de febreru. La información detallada pue ampliase na anuncia publicada güei nel BOPA: https://tinyurl.com/35we4e5y