Ye por eso que, si tu vives fora d’Asturies y quies saber qué asturianos hai cerca de ti -y da igual el puntu del mundu nel que te atopes-, esti mapa supon la más novedosa ferramienta para faelo y, de camín, fortalecer una comunidá que tien de mancomún el so enorme talentu según, primero de too, un infrayable sentimientu de pertenencia a esta «Asturies Esterior».
Más de 820 asturianos que viven fora, dende Nueva Zelanda a California o dende Islandia hasta Madagascar, formen yá parte d’esti mapa interactivu que se convirtió n’una realidá como gran aglutinador de les esperiencies y les capacidaes que demuestren los asturianos allá por onde van. Solo tienes que salear pol mapa para atopar otros asturianos que, como tu, viven llueñe de la so tierra.
El mapa interactivu «¿Ónde tas?» dexa a los asturianos que viven más allá de les llendes de la rexón, yá sía n’otres comunidaes d’España o nel estranxeru, allugase, cuntar lo que deseyen de la so esperiencia y compartir, si asina lu quieren, dalgún contactu al traviés de les sos redes sociales para facilitar l’intercambiu ente los miles de persones llenes de talentu y conocencia que conformen esi universu ástur fuera del Principáu.
El mapa pretende ser una ferramienta d’acercamientu ente los nacíos n’Asturies, y tamién los descendientes de quien emigraron va décades, por que, como fixeron aquellos emigrantes de la folada qu’enllenó América d’asturianos, collaboren pa progresar. Foi aquella rede de solidaridá mutua -en munchos casos de tal valumbu que s’adelantró a les estructures l’estáu del bienestar- la que se convirtió nel verdaderu elementu distintivu de comunidaes asturianes como les que s’asitiaron en Cuba o Arxentina.
Agora, de forma novedosa, establezse xuna rede global na que resulta bien fácil participar. Tan solo tienes que rexistrate siguiendo unos senciellos pasos que van llevar poco tiempu. Al aportar al mapa interactivu de «Asturies Esterior» y empecipiar el procesu de rexistru van abrísete unes ventanes que t’empondrán nel procesu con toles garantíes. Puedes decidir los datos que deseyes compartir y, al términu del procesu de rexistru, solo vas tener qu’esperar a que tou sía validáu técnicamente pol sistema.
Una vegada apuntares, vas poder ver y conocer a otros asturianos que viven a lo llargo y anchu del planeta que yá se sumaron a esta gran comunidá. Amás, vas tener accesu a una newsletter selmanal, «Carta dende’l Paraísu», que te caltendrá informáu d’asuntos y servicios d’interés pa la diáspora asturiana, y vas poder beneficiate de más sorpreses que vamos dir cuntando más palantre y van tar acutaes pa los integrantes d’esta gran comunidá ástur mundial.
El grupu de Facebook preséntase a los usuarios como una esperiencia inda más abierta a la interactividá. Al igual qu’en Whatsapp, compartise conteníu d’interés en distintos formatos. Y, amás, los usuarios pueden compartir col restu de manera directa conteníu d’interés y rellacionáu cola so esperiencia viviendo fuera del Principáu: fotografíes, postales, anécdotes, alcordances… Esta forma de comunicación dixital puede fortalecer una conexón más estrecha ente los participantes. Pa establecer contactu con esta comunidá, hai que tener perfil de Facebook y aportar dende la páxina de LA NUEVA ESPAÑA nesta rede social o, directamente, dende esti enllaz.
