Empiezos saludables, futuros esperanzadores
El Día Mundial de la Salú celébrase’l 7 d’abril de cada añu en comemoración del aniversariu de la fundación de la OMS en 1948. Precisamente anguaño ye más especial porque se celebra’l 77 aniversariu de la OMS. Nesti día arraca una campaña d’un añu de duración sobro la salú de la madre y el naciellu.
Fonte: ONU / Organización Mundial de la Salú: OMS /
Na campaña, titulada Empiezos saludables, futuros esperanzadores, va encamentar a los gobiernos y a la comunidá de la salú a intensificar los esfuerzos pa poner fin a les muertes prevenibles de madres y naciellos, y a dar prioridá a la salú y el bienestar de les muyeres al llargu plazu.
Ayudar a que toles muyeres y naciellos sobrevivan y espolleten. Esta xera ye fundamental. Según les estimaciones actuales, cada añu pierden la vida tráxicamente unes 300 000 muyeres mientres l’embaranzu o’l partu, más de dos millones de naciellos finen nel so primer mes de vida y alredor de dos millones más nacen muertos. Estes cifres equivalen aprosimao a una muerte prevenible cada siete segundos.
Escuchar a les muyeres y sofitar a les families. Les muyeres y les families, uquier que tean, precisen una atención d’alta calidá que les sofite física y emocionalmente, antes, mientres y dempués del partu. Los sistemes de salú tienen d’evolucionar pa xestionar los numberosos problemes de salú qu’inciden na salú de la madre y el naciellu. Nun se trata solamente d’entueyos obstétricas directes, tamién s’inclúin les afecciones de salú mental, les enfermedaes non transmisibles y la planificación familiar.
Amás, les muyeres y les families tendríen de tener el sofitu de lleis y polítiques que salvaguarden la so salú y los sos derechos.
Oxetivos de la campaña.
- Sensibilizar sobre los defectos na supervivencia materna y neonatal y sobre la necesidá de dar prioridá al bienestar de les muyeres al llargu plazu.
- Abogar por inversiones efectives qu’ameyoren la salú de les muyeres y los naciellos.
- Afalar l’acción colectiva pa sofitar a los proxenitores, según a los profesionales de la salú qu’ufierten curiaos cruciales.
- Apurrir información útil en materia de salú sobre l’embaranzu, el partu y el periodu postnatal.
Foi nel añu 1948 cuando los países del mundu axuntáronse para celebrar la Primer Asamblea Mundial de la Salú. A partir d’esi momentu propunxo la celebración d’un Día Mundial de la Salú como alcordanza de la fundación de la OMS. Y dende 1950, cada 7 d’abril escuéyese una temática prioritaria de salú para destacar.
La OMS lleva más de siete décades tratando d’ameyorar la calidá de vida de la población. Les campañes que promueve cada añu mientres esti día intenten motivar l’acción para llantar cara a los retos sanitarios de güei y de mañana. Pretenden crear conciencia sobro les enfermedaes que nos arrodien y la necesidá de llevar una vida sana pero, sobremanera, garantizar l’accesu universal y equitativo a la sanidá.
