El meyor Cabrales del añu foi puyáu esti domingu por 36.000 euros, una cifra nunca algamada nes 52 ediciones que vien celebrándose’l certame dedicáu al quesu más reconocíu d’Asturies y que mientres meses maurez en cueves naturales de los Picos d’Europa. Al igual que’l pasáu añu, foi Iván Suárez, del Llagar de Cualloto, d’Uviéu, el que más puxó por faese con esta pieza que tampoco va tener problemes para caltenese nel Guinnes World Records como’l quesu más caro de cuantos se puyen nel mundu anguaño.
