- Fonte: blogue Imagenesdeunpais/
El primer domingu dempués de Reyes un tintinio traviesa’l pueblu de Valdesoto. El metálicu soníu rebota nes cuestes del valle llevantando la borrina de la mañana y entra en cada casa espertando a los vecinos. Para ellos l’añu nun entama hasta qu’oyen ese tintín procedente de les llueques y campanes que lleven alredor de la so cintura unes criatures atáviques feches para’l fríu: los sidros.
Estos fíos del iviernu tán cubiertos por un conu de trupa llana d’oveya rematáu por una enhiesta cola de foín decorada con cintes de colores. La so cara ta cubierta por una mázcara de tela colorao. Van llanzar agudos berros d’allegría, sacarán-y la llingua o-y darán un abrazu o un besu si tienen enfotu.
