Asturies ye tradición, cultura, naturaleza y «Cocina de paisaxe»

#Asturies   celebra en Madrid Fusión la reconocencia de la cultura sidrera asturiana como patrimoniu inmaterial de la humanidá.

La sostenibilidá, el respetu pol mediu ambiente y una cuidada selección
de llabradores, ganaderos y artesanos son les guíes de la cocina de Xune Andrade.

L’estand d’Asturies en Madrid Fusión, que tien como referencia la marca Cocina de Paisaxe, cuenta con una superficie de 100 metros cuadraos, seis amosadores de productu y unu d’información, amás d’un área central para demostraciones culinaries o showcooking.

La mayoría de les creaciones nesta edición van basase na cultura sidrera asturiana, por aciu l’empléu de la mazana y la sidra como materies primes, para celebrar la declaración como patrimoniu mundial.

Pela so parte, dellos de los productos que formen parte de la marca Alimentos del Paraísu promocionase nos espacios espositivos que flanqueen l’estand y tamién se van utilizar para les demostraciones en vivu na zona central. Nesta área van ufiertase degustaciones de miel d’Asturies, distintes variedaes de quesos, choscu de Tinéu, xata asturiana y embutíos.

Na zona de demostraciones van desenvolver les sos propuestes culinaries seis profesionales asturianos de prestíu que representen distintos enfoques y sensibilidaes. D’esta miente, van ponese de manifiestu la diversidá gastronómica de la comunidá, que non solo puede esfrutase nes ciudaes, sinón que cunta con una amplia ufierta nel mediu rural, onde la restauración ye un importante factor de dinamización económica xuntu col turismu rural y el sector primariu.