- El programa d’enseñanza de llingües HabLE llega esti cursu a 216 centros y 30.000 alumnos. RTPA
- Fonte: actualidá Asturies /
El plan busca meyorar la competencia plurillingüe del alumnáu
La Conseyería d’Educación empezó esti xueves nel Colexu Públicu La Xesta, n’Uviéu, el repartu de plaques a los centros educativos del programa HabLE d’enseñances impartíes en llingües estranxeres, qu’esti cursu ta iguáu por una rede de 216 centros asturianos -el 61%- que sumen daqué más de 30.000 estudiantes y 1.600 docentes.
La conseyera, Lydia Espina, xunto col director del colexu, Andrés Flórez, asistieron al allugamientu de la placa, que tien un logo diseñáu pol Principáu, coles mires de convertilu nun referente y crear una seña d’identidá.
El programa HabLE entró a valir nel cursu 2023-2024, en sustitución de los antiguos planes d’enseñanza billingüe y tien por oxetivu meyorar la competencia plurillingüe del alumnáu, potenciar les sos destreces comunicatives y tamién dar a conocer, valorar y respetar la diversidá llingüística y cultural de la sociedá.
El programa afita tres niveles en función del númberu de materies que s’impartan en llingua estranxera, pero en tolos casos garantiza que s’estudie, amás de l’asignatura de llingua estranxera, polo menos otra más nesi mesmu idioma y garantízase un mínimu de dos sesiones selmanales.
