¿Ónde se cocina la meyor fabada del mundu? ¿N’Asturies? Sí, quiciabes, o en Madrid, Toledo, Murcia, Cantabria… porque d’ende son los 22 restoranes finalistes del premiu «La meyor fabada del mundu» que va otorgar un xuráu espertu’l próximu miércoles 2 d’abril en Villaviciosa. El concursu va sirvir para dar el pistoletazu de salida a les 𝗫𝗫𝗫𝗜 𝗫𝗼𝗿𝗻𝗮𝗲𝘀 𝗱𝗲 𝗹𝗲𝘀 𝗙𝗮𝗯𝗲𝘀 del conceyu maliayo, que van ocupar los pucheros, les conversaciones y los planes hasta’l domingu 6 d’abril.
Ente les actividaes de la selmana, más allá del premiu mundial, destaca’l X Gran Capítulu d’Amigos de les Fabes del Principáu d’Asturies, nel que se va tomar xuramentu a la nueva confrería, va faese entrega de la «Faba d’oru» y va haber hermanamientu oficial cola Confrería de los Cocíos de Cantabria.
Amás, los díes 5 y 6 d’abril celebrarán la Feria d’Esposición y Vienta, el certame que va decidir cuál ye la meyor faba d’Asturies con Indicación Xeográfica Protexía (IGP), y el concursu ‘Fabes y Mundu Rural’ qu’entama’l Conceyu de Villaviciosa. Los establecimientos hosteleros de la villa van ufiertar menúes de fabes mientres tola fin de selmana. ¿Daquién da más pa honrar les Fabes?
#fabesasturianes #mejorfabadadelmundo #alimentosdelparaíso #fabes #Asturias #igp #Villaviciosa #asturiasparaísonatural
