¡La sidra yá ta enfriando en Nava!
Entama’l Festival de la Sidra,
¡y esti añu como Patrimoniu de la Humanidá!
Güei empiecen dalgunes de les actividaes d’una de les cites ineludibles de too aquel que presuma de tener ADN asturianu: el XLVIII Festival de la Sidra de Nava, anque los díes más intensos van ser el 11, 12 y 13 de xunetu. Esta fiesta, declarada d’Interés Turísticu Nacional, va tener anguaño un ambiente muncho más especial yá que ye’l primeru que se celebra en declarando a la sidra Patrimoniu Cultural Inmaterial de la Humanidá pola @unesco_es . Programa: @aytonava o escaniando’l códigu QR de la segunda imaxe.
