La Comisión Europea (CE) escoyó Asturies como protagonista de la so campaña informativa Europa na mio rexón, una iniciativa que busca resaltar les inversiones n’educación, cultura o innovación que se llevaron a cabu nel Principáu. Nesta edición, la campaña preséntase sol lema Tenemos fame de saber y sei d’innovación y pon en valor los proyectos asturianos que recibieron financiamientu de la Unión Europea (UE). Actualidá /
El Principáu foi escoyíu pola CE pol impactu de cinco inversiones clave: la Escuela Cimera d’Arte d’Avilés, los institutos de La Fresneda y La Florida, n’Uviéu; el Centru Avilés Innova y el Muséu del Xurásicu d’Asturies (MUJA), en Colunga. Estos proyectos reflexen el compromisu cola educación, la innovación y la cultura, pilastres fundamentales para’l desenvolvimientu rexonal.
La campaña inclúi diverses acciones en medios de comunicación y dos eventos abiertos a la participación ciudadana esti mes.
- El primeru ye’l concursu d’arte ARTurias, que se va celebrar del 19 al 23 d’ochobre. Trátase d’una esposición artística interxeneracional que va esquizar la identidá asturiana al traviés de disciplines como la pintura, el dibuxu, la fotografía y los medios dixitales.
- El segundu eventu va tener llugar nel MUJA el 17 d’ochobre y va tar dirixíu a escolares. Nél combinarán actividaes educatives y lúdiques na redolada cultural del muséu, coles mires de fomentar l’aprendizaxe y l’interés pol patrimoniu científicu y natural d’Asturies.
Europa na mio rexón ye una campaña conxunta ente la UE y les autoridaes rexonales y locales. Dende la so puesta en marcha en 2018, desenvolvió más de 70 campañes en 14 Estaos miembros col propósitu d’averar a la ciudadanía los beneficios concretos de les inversiones europees y reforzar el venceyu ente Europa y los territorios.
Pues sí, tenemos fame por saber y amás asina lo reconoz la Comisión Europea qu’escoyó Asturies como protagonista de la so campaña informativa @euinmyregion, una iniciativa que busca mostrar cómo les inversiones comunitaries contribuyeren al desendolcu d’un territoriu.
Cinco inversiones clave pa dicha eleicción:@esapa_aviles/@ieslafresneda/El centro Avilés Innova /El Muséo del Xurásico d’Asturies #MUJA.
👏 Estos proyectos reflexen el compromiso con la educación, la innovación y la cultura, pilares fundamentales pal desarrollu rexonal.
🔗https://fusionasturias.com/editorial/la-ue-reconoce-a-asturias-por-su-fame-por-saber.htm
