Ver Asturies/ Ye unu de los adornos navidiegos más antiguos, con un orixe bien alloñáu, datáu dende antes de la llegada del cristianismu, y equivalente al árbol de Navidá que se suel poner nes cases mientres los meses d’avientu y xineru. Esti oxetu ta formáu por una cadarma de madera triangular na que se disponen 12 veles (simbolizando los meses del añu). Amás, d’esta cadarma tamién se cuelguen ufriendes, como rosquíes o frutes, y otros elementos ornamentales, como bordaos o filos de llana, ente otros.
Esta tradición, antaño bien estendida per Asturies y Llión principalmente, foi perdiendo fuerza col pasu del tiempu por ser un elementu paganu, anque fuera asimiláu pola Ilesia dempués de ver que nun yeren capaces a prohibilo. Sicasí, anguaño l’usu d’esti adornu nes feches navidiegues va consiguiendo mayor presencia, polo que podemos ver como esta tradición, casi sumida, ta recuperándose y estendiéndose a zones onde nun yera bien común atopar esti tipu d’elementos.
Nel casu d’Asturies, atopamos dende va tiempu delles actividaes alredor de les tradiciones antigües navidiegues asturianes, onde nun puede faltar el Ramu Nadal o’l Nataliegu, y que sirven pa espublizar la cultura asturiana.
El Ramu Nadal ye ún de los adornos navidiegos asturianos más antiguos, con un orixe bien llonxanu, datáu dende enantes de la llegada del cristianismu, y equivalente al árbol de Nadal que se suel poner nes cases nos meses d’avientu y xineru. Esti oxetu ta formáu por una cadarma de madera triangular na que s’alluguen 12 veles (simbolizando los meses del añu) Amás, d’esta cadarma tamién se cuelguen ofrendes, como rosquielles o frutes, y dellos elementos ornamentales, como bordaos o filos de llana, ente otros.
Esta tradición, antaño bien estendida per Asturies y Llión principalmente, foi perdiendo puxu col pasu del tiempu por ser un elementu paganu, anque fuere asimilao pola Ilesia dempués de ver que nun yeren quien a prohibilo. Sicasí, anguaño l’usu d’esti adornu nes feches navidiegues va garrando mayor presencia, polo que podemos ver como esta tradición, cuasi desaniciada, ta recuperándose y estendiéndose a zones onde nun yera mui común atopar esti tipu de xeres.
Un bon exemplu d’ello ye la publicación de llibros rellacionaos cola navidá tradicional n’Asturies, como ye’l casu de “Un nataliegu perbullindiegu”, de Victor Pintáu, “Vitu” y Alberto Álvarez Peña, publicáu por Ediciones Trabe nel añu 2017. Esta obra, dirixida a los neños, averase a la tradición de manera didáctica al traviés d’un cuentu ilustráu. Ver ficha Trabe
Hai tiempu yera tradición n’Asturies quemar nel llar el Nataliegu –un tueru de carbayu– la nueche de Nadal y esparder les cenices pela casa y la corte pa que traxeren bona nación y bones colleches a la familia. Pero los tiempos camudaron y el Nataliegu de Xela nun quería por nada del mundiu que lu quemaren, asina que montaba un bon espolín en sintiendo la pallabra «quemar». Y ye que, como diz Xela, a los nataliegos d’anguaño présta-yos más enguapiar les cases que ser ceniza…
Maestra de Llingua Asturiana
Colexu Carmen Ruiz-Tilve - Uviéu
View All Posts
Utilizamos cookies para asegurar que damos la mejor experiencia al usuario en nuestra web. Si sigues utilizando este sitio asumiremos que estás de acuerdo.
