El músicu asturianu Rubén Bada espubliza’l so primer discu en solitario. Rubén Bada va actuar el próximu xineru nel ‘Celtic Connections’ de Glasgow. Va ser l’únicu asturianu nesti festival de música celta, el más importante xunto al Festival Intercélticu de Lorient. Les sos tres décades de trayectoria fueron en bandes o acompañando a músicos, pero anguaño decidióse a llanzar el so primer discu en solitario. El nuevu trabayu estrémalu en tres partes: vigulín, cantares y una novedosa guitarra clásica al serviciu de la tradición asturiana.
