Tres l’ésitu de la primer edición, anguaño celebramos de nuevu’l nuesu concursu gastronómicu, un homenaxe al talentu de la hostelería asturiana y al sabor único del Afuega’l Pitu. Van almitise platos y postres, duces o salaos, siempres y cuando qu’incorporen el nuesu quesu en cualesquier de les sos variedaes. Inscripciones abierta dende yá hasta’l 7 de xineru de 2026 a les 09:00 hores. Places limitaes.
¡Anímate a participar! Ayuntamiento de Morcín/Tierra Astur/Circulo Gastronómico de los Quesos Asturianos
¡Dende tiempos ancestrales, les esplotaciones agrícoles s’estructuraben en caseríes que s’autoabastecíen al traviés de los cultivos y de los productos derivaos del ganáu vacuno y lanar; son los escedentes de la lleche llograda los que dexaron la ellaboración d’estos quesos. Superada la producción para’l mesmu suministru, empezaron a vendese estos quesos nos distintos mercaos selmanales onde confluyíen tolos quesos de la zona, y onde la meyora paulatina de les comunicaciones foi dexando una pequena espansión comercial.
A partir de los años 80, por cuenta de les esixencies de la normativa hixénicu sanitaria, empezaron a crease les primeres queseríes profesionales dedicaes a la producción y comercialización del mesmu.
La evolución d’esti quesu nel tiempu llogró l’impulsu definitivu pola creación de la Denominación d’Orixe Protexida Afuega’l Pitu nel añu 2003, al traviés de la cual se promueve y protexe la ellaboración d’esti quesu nes zones xeográfiques tradicionalmente productores y coles técniques d’ellaboración más enraigonaes d’estos llugares.
