LNE / Uviéu prepárase para’l Martes de Campu: este ye’l cartelu y la programación para una de les fiestes más populares.
L’artista uvieín Pedro Rico tomóse un descansu d’un llustru nel so trabayu para criar a los sos fíos. Tienen seis y trés años. Agora, volvió crear y va dolce meses recibió un encargu que lu enllenó d’ilusión: diseñar el cartelu del Martes de Campu.
Dicho y fecho. La Sociedá Protectora de la Balesquida fixo pública ayeri la imaxe na que se ve una «panorámica» d’Uviéu.
- No más alto, el monumentu al Sagráu Corazón de Jesús, allugáu nel Picu Paisanu.
- A la izquierda, la ilesia prerrománica de Santa María del Naranco y el Carlos Tartiere.
- A la derecha, el Palaciu de Congresos y Esposiciones diseñáu por Santiago Calatrava, l’Hospital Universitariu Central d’Asturies (HUCA) y les lletres del Gran Bulevar del Vascu.
- Pol mediu, la Catedral, la estación de tren de la cai Uría, el teatru Campoamor y nun falta la estatua de «La Gorda» al pie de otros munchos edificios emblemáticos. «Este ye un dibuxu bien complexu porque intento reflexalo tou», cuenta.
Diz el dichu que naide ye profeta na so tierra, pero Rico ruempe con eregla. «Recibí l’encargu xustu antes del Martes de Campu del añu pasáu y empresta faer obres d’arte pa la ciudá que te vio nacer».
El paséu del Bombé va acoyer el 26 de mayu la repartida del bollu y la botella de vinu a los socios al corriente de la cuota de 15 euros.
