Polo menos un terciu de la población española nun sigue pautes alimentaries saludables.
Polo menos un terciu de la población nun sigue pautes alimentaries saludables. Dizlo un estudiu de la Universidá d’Uviéu qu’analiza los vezos alimentarios de los españoles dende la compra, la preparación y el consumu.
El trabayu amuesa que gran parte de la población sí cumple col consumu recomendáu de fruta, pero vense déficits n’alimentos clave como verdura, llegumes y pescáu, xunto con un consumu superior a lo recomendao nel casu de la carne.
Amás, esta tendencia produzse nun contestu nel que medró’l consumu de productos ultraprocesaos, dalgo que pue favorecer la medría del sobrepesu y la obesidá.
L’informe tamién identifica una fendidura xeneracional, porque la población moza presenta los peores indicadores d’alimentación saludable, con un menor inxerimientu al modelu mediterraneu, un fenómenu que se venceya con factores como la situación llaboral, una cultura alimentaria más débil y la influencia de nuevos entornos de consumu.
La cultura alimentaria
El como nos alimentamos güei tien muncho que ver cola nuestra renta, pero hai otros factores como la cultura alimentaria, que siguen marcando les elecciones de consumu.
Cecilia Díaz-Méndez, catedrática de Socioloxía de la Universidá d’Uviéu, señala qu’esta cultura ta perdiéndose ente la mocedá.
La dieta mediterránea sigue abondando nos llares españoles sicasí cada vegada alloñámonos más d’ella. Les muyeres destaquen por tener meyores vezos, daqué motivao, asegura la socióloga Díaz-Méndez, por una desigualdá de xéneru nel repartu de les xeres.
Asegura amás qu’hai comportamientos que siguen mui presentes na cultura, como l’horariu de les comides que, a pesar de los cambeos nos ritmos de vida, siguen siendo más tardíes que nel restu d’Europa.
