El Primer Pelegrín llega a Uviéu coles Xornaes de los Tortos como gran actividá culinaria. Les xornaes van atarraquitar el cascu antiguu con un pobláu medieval, la representación de la figura del Alfonso II’l Castu per parte del actor Ramón Langa y la recreación de la so partida a Compostela. El Comercio / La fiesta del Primera Pelegrín, el gran actu de la campaña de la Conceyalía de Turismo ‘Uviéu, orixe del Camín’, va cuntar nesta sesta edición col complementu gastronómicu de les Xornaes de los Tortos del Camín que se van ufiertar en 23 restoranes de la ciudá ente’l 3 y el 12 de xunetu.
Mentanto la fiesta va cuntar con un intensu programa d’actividaes como l’apertura del pobláu medieval na plaza de la Catedral, un mercáu asturianu con productos del momentu d’Alfonso II en Castu y del Camín Primitivu como’l pan d’escanda, el choscu de Tinéu o les navayes de Taramundi, talleres de recreadores, infantiles y familiares, teatru música, demostración d’esgrima medieval, una Romería Alfonsina y los actos centrales de la fin de selmana (del 10 al 12 de xunetu) coles recreaciones de l’actividá palaciega d’Uviéu nes que l’actor Ramón Langa va interpretar al rei Alfonso II’l Castu, tanto na recepción de noticies sobro l’apaición del cadabre del Apóstol Santiago en Compostela como la salida escontra’l llugar pa declarar la veracidá de lo atopao y convertise asina nel primer pelegrín a Santiago.
García Quintana señaló que «n’Asturies nun hai bona fiesta ensin el componente gastronómicu colo que la incorporación de los tortos ye un aciertu». Cuadonga Díaz destacó’l mercáu asturianu primitivu» y afirmó qu’Uviéu «ye una ciudá abierta y comprometida».
Fernando Corrolada consideró tantu les Xornaes de los tortos como’l Primera Pelegrín «como una oportunidá única y a Otea arguyez-y participar».
