Cultura pon en marcha cursos d’asturianu y eonaviegu dirixíos a los centros asturianos. La Conseyería de Cultura, Política Llingüística y Deporte y la Federación Asturiana de Conceyos ponen en marcha formaciones pa los centros asturianos del esterior, con clases adaptaes a los distintos fusos horarios.
Inscripciones al traviés del códigu QR habilitáu pa esta edición.
Esta nueva ufierta inclúi clases y tutoríes en directu, que se van programar para facilitar la participación dende cualquier llugar del mundu y afaese a los distintos fusos de les comunidaes asturianes del esterior. La inscripción va poder realizase al traviés de la web https://www.falamos.info/
El Gobiernu del Principáu amplía con esta iniciativa’l so compromisu cola promoción y normalización de les llingües propies d’Asturies y pon el focu na comunidá emigrante. Esta ye una llínea de trabayu estratéxica para’l departamentu que dirixe Vanessa Gutiérrez, tal que se recueye en la Estratexa de normalización del asturianu y del eonaviegu 2026-2030, presentada en febreru.
Los cursos refuercen el venceyu de les comunidaes de la diáspora cola so llingua y la so cultura, de la qu’ufierten una oportunidá tantu a quien deseyen aprender les primeres nociones d’asturianu y eonaviego como a quien busquen afondar na so conocencia.
Más información: https://actualidad.asturias.es/-/falamoscentros0408 Inscripciones al traviés del códigu QR habilitáu pa esta edición.