Publicado en Alimentos, Campañes

Campaña: «Equí nun se tira ná»

El Ministeriu d’Agricultura, Pesca y Alimentación, al traviés de la marca Alimentos d’España, presenta una nueva campaña de publicidá y sensibilización contra’l bagazu alimentario sol lema “España Sabe. Equí nun se tira ná”. La iniciativa refuerza el compromisu del Ministeriu cola promoción d’un consumu más responsable y sostenible.

La nueva campaña apuesta por un enfoque más cercanu, prácticu y cotidianu, coles mires de treslladar el mensaxe a situaciones reales coles que los  consumidores puedan identificase. Frente a un discursu basáu namá na concienciación, la iniciativa pretende amosar de forma senciella qué puede faer cada ciudadanu para aprovechar meyor los alimentos y evitar que terminen na basura.El mensaxe central de la campaña ye senciellu: evitar el desperdiciu que ta al algame de toos y pequenos cambeos na nuesa forma de mercar, caltener, cocinar y consumir pueden marcar una diferencia real.

Ente los comportamientos que la campaña pon en valor atópense planiar meyor les compres y los menúes, entamar correchamente los alimentos na nevera, aprovechar les arrayadures pa preparar nueves recetes o llevase a casa la comida que nun se terminó nun restorán. Tamién s’incide na importancia de valorar los alimentos y reconocer los recursos, el trabayu y l’esfuerzu qu’hai detrás de #cada productu.

El llanzamientu respuende a una realidá especialmente relevante nel ámbitu domésticu. En 2025, el 97,5 % del volume d’alimentos desperdiciaos polos consumidores xenerárense nos llares, lo qu’asitia esti espaciu como uno de los principales ámbitos d’actuación p’amenorgar el bagazu/desperdiciu.

 

Autor:

Maestra de Llingua Asturiana Colexu Carmen Ruiz-Tilve - Uviéu