La meyor tarta de quesu d’España 2026 fáise en Xixón y lleva trés quesos: Ye la evolución de la NY Cheesecake. El obrador Muu Cheesecakes ganó la primer edición del campeonatu nacional con Trés quesos, una cheesecake d’inspiración neoyorquina que destaca pola so testura desaxeradamente cremosa y un ingrediente asturianu. Elle / La Voz / Infobae / Mi Gijón
Llámase Trés quesos, fáila la pastelería Muu cheesecakes de Xixón, y el so nome va directu al corazón del asuntu: el quesu ye’l gran protagonista. Y acábase de facer col títulu de La Meyor Tarta de Quesu d’España® 2026 na final de la primer edición del campeonatu nacional, celebrada esti 3 de payares n’El Puertu del Escondite, en Boadilla del Monte (Madrid). Ye la final participaron quince finalistes que s’enfrentaron nuna cata a palpu.
Asina ye la tarta ganadora. Muu Cheesecakes descríbela como una tarta tradicional de quesu al fornu, con base de galleta y mantega. Ye’l so particular evolución de la New York cheesecake: ellabórenla con un amiestu especial de trés quesos, frutu de más de quince años perfeccionando la receta, y enfórnenla hasta consiguir el puntu perfectu de máxima cremosidad ensin llegar a paecer natielles.
La llista d’ingredientes ye cenciella: galleta, mantega, azucre, nata, güevu y quesos. La clave ta nel equilibriu d’estos postreros y nel puntu de fornu, que busca una testura bien cremosa, pero con cuerpu.
Muu Cheesecakes nun precisó cuálos son les trés variedaes de quesu nin les sos proporciones esactes, pa manterner el misteriu de la que de xuru yá ye la cheesecake más deseyada del momentu nel país. La so receta ye clásica, pero eso sí, tien un chisgo asturianu: una versión de la cheesecake neoyorquina con quesu Trés Lleches de Pría.
Tarta de quesu tradicional, de Muu Cheesecakes
La tarta de quesu forma parte de la historia de Muu dende primero qu’el obrador xixonés dedicárase n’esclusiva a ella. Los sos responsables empezaron con una receta d’estilu neoyorquín y fueron ampliando la carta con nueves versiones. Agora, Trés quesos suma un títulu nacional a esi percorríu y confirma que, dacuando, pa trunfar a lo grande basta con volver a lo esencial y afinar la receta mientres quince años.
Una victoria pa Xixón
La propuesta asturiana impúnxose a otres catorce tartes llegaes d’once comunidaes autónomes. El segundu puestu foi pa la tarta de quesu de Nola Gras, en Zaragoza, y el terceru, pa Orixe, de Ghio’s Burger Crafters, en Tenerife. A éstes Muu Cheesecakes tamién llogró la reconocencia a la meyor tarta na categoría de repartida a casa.
MUU CHEESECAKES
Dirección: San Bernardo, 68. Gijón, Asturias
Teléfono: 985 35 73 65





