Minientradas

«Munay»

Munay ye una palabra quechua que significa amor, pero non nel sentíu románticu occidental, sinón como un amor fondo, incondicional y harmoniosu escontra tolo qu’esiste: persones, naturaleza, vida. Ye un conceutu espiritual qu’implica vivir col corazón abiertu, n’equilibriu con unu mesmu, colos demás y cola redolada. Munay non solo ye un sentimientu, sinón una forma de ser y actuar dende la bondá, la guapura interior y el respetu.

 

… comprométome a quereme en primer llugar.
A marcar les mios llendes. Y a marcalos cola frente n’alto.
A triar fuerte. Ensin mieu.
A afitar l’aldu y perseverar (col llombu argutu).
A acoyeme entera, como soi.
Comprométome a suañar despierta y volveme un pocu lloca.
A abrazame (entera) . A nomame en tolo que soi.
Tamién no pequeno, lo feo, lo menos «guapo».
Comprométome a reivindicame.
A dar. Y a  ufiertar(me).
Comprométome a  aprender a pidir…
y cuando toque, saber tomar.
Y saber poneme tamién… en primer llugar.
Y nun avergoñame por ello.

Sobro la inactividá

La inactividá ye
una forma d’intensidá
que nun ye reconocida
na nuesa sociedá de conocencia.

Byung-Chul Han, filósofu

 

……El callar da-y fondura a la fala. Ensin silenciu nun hai música, sinón nada más que ruiu y polveru. El xuegu ye la esencia de la guapura. Allí onde solo reina l’esquema d’estímulo y reacción, necesidá y satisfacción, problema y solución, propósito y acción, la vida dexenera en supervivencia, en desnuda vida animal.

La vida solo recibe la so rellumada/resplandor de la inactividá. Si piérdesenos la inactividá en cuanto capacidá, paeceremos a una máquina que solo tien que funcionar. La verdadera vida empieza nel momentu que termina la preocupación pola supervivencia, la urxencia de la pura vida. El fin último de los esfuerzos humanos ye la inactividá. Fonte:. https://ethic.es/el-esplendor-de-la-inactividad-byung…

Tamos de folgueta ;-)

¡Zarráu por descansu vacacional!

Esta selmana vamos tar de folgueta, ye dicir,
nun vamos actualizar el blogue
hasta’l llunes viniente,  25 d’agostu.

folgueta, la – Diccionariu Xeneral de la Llingiua Asturiana …

Andar de xuerga, sin trabayar.
Tar de folgueta.[ Cg .] : ‘tar sin dar golpe’

 

«Atiendi, Asturies» de Manuel Asur

Atiendi, Asturies, de Manuel Asur
Atiendi, Asturies, atiendi
lo que falo na to fala
anque nos oyíos tengas
muncha llingua castellana.
Sé que sofristi abondu
que fusti más nueche qu’alba
que fixisti too dafechu
lo que sentíes pel alma.
Sélo bien, pero’l dolor
golviósete una mordaza
dexándote a fuerza sombra
una llaceria na fala.
Esa llaceria espardióse
como una postiella gafa
fendió to llingua llariega
fasta torgate falala.
Y la hestoria que pulsiasti
cola pallabra bien alta
quedando fo callandina
como ensin acordanza.
Y ensin acordanza un pueblu
nun tien futuru a la llarga.
Atiendi, Asturies, atiendi
lo que falo na to fala.

L’Aemet avisa a estes provincies d’España: temperatures llendes d’hasta 42 graos pola fola de calor. La segunda fola de calor del branu va durar hasta, siquier, el 10 d’agostu, lo qu’obliga a activar los avisos por calor.

Xiringüelu 2025

Pravia cunta les hores para la gran romería del Xiringüelu, anque los festexos van empezar el xueves. Miles de romeros van enllenar el domingu, 10 d’agostu, el prau Salcéu y van compartir comida, bebida, bailles y, sobremanera, muncha diversión. Anque’l día grande d’estes fiestes pravianes va ser el domingu, el voltaxe festivu va dir aumentáu dende esti xueves, día 7, cuando los más pequenos van celebrar el so propiu Xirin.

En mou «mereciu descansu»

Yá en mou «mereciu descansu» 🧘🏻‍♀️ anque’l miércoles tengo una xunta importante y la segunda selmana de xunetu un cursu… 🤦🏻‍♀️

Feliz branu a toos as cuando vos toque desconectar 🔌 Hai que cargase d’enerxía 🔋 que dempués el cursu escolar ye intensu…

 

Voi aprovechar para lleer, pasiar, faer semeyes, visitar familiares y amigos, dir conocer llugares que me prestaría inmortalizar y ésti añu, sí, pisar la sablera que yá van 4 que nun hai sable… ¡Esti ye’l plan! 😃

Poema de Lorena Larrañaga

Te busqué
na bruma caliente d’un xueves ensin nome,
colos deos rotos de tantu apalpar ausencies
que se paecíen a ti.

Te averasti
esnuda de too menos del temblor
mirándome de frente
como se mira a los trenes que nun vuelven
y col aselu esactu
de quien nun promete pero ambura.

Espurrimos el tiempu hasta faelo cama
dándonos el cuerpu
primero que la palabra,
como si’l llinguaxe fuera un escesu
y non una ponte.

Vi dempués cayer la lluz na to piel
y entendí entós
qu’hai guerres que se llibren solo una vegada.

Te vististi
ensin mirar tras
igual que se visten los que nunca se van
y quedé sentada
descalza de duldes
pero cola habitación llena de respuestes.

Lorena Larrañaga (Valencia, 1973)

Poemario «Piel de espera y lluvia», Ed. Medulia

Sigue leyendo «Poema de Lorena Larrañaga» →

Poesía

Nun tas
pero hai díes en que la to risa torna
y sírveme de techu

frente al vientu.

Yes ese sitio onde nunca fai fríu
anque’l mundu fuera
conxélese ente prieses.
Lorena Larrañaga

 

 

Vero Rubio presenta’l discu-llibru «Vou» n’Uviéu

Acompañando a Vero Rubio, Anabel Santiago, Pepín De Muñalén y resto’l grupu nel Per Se d’Uviéu. 👏🏻👏🏻 «Vou» 🎷🎺🎹🪗🪈🎤

¿Qué ye Vou? Vou ye un proyectu multidisciplinar nel que conflúin música, pallabra ya imaxe. Cada pieza del proyectu, instrumental o vocal, tien un poema/lletra y un vídeu que lu acompaña, como trés caminos que te lleven al mesmu destín.

Visita al colexu de dalgunos/es xugadores del Real Uviéu

👏🏻👏🏻 Viva’l Real Uviéu 💙🤍⚽.
Esperamos que, pa la prósima, amás de les xugadores del primer equipu femenín
vengan tamién algunos xugadores masculinos del primer equipu.
📝 L’afición créase dende la infancia
⚽ Milenta Gracies a los cuatro
👏🏻👏🏻 Aplauso pergrande.

Web del Real Uviéu

Sigue leyendo «Visita al colexu de dalgunos/es xugadores del Real Uviéu» →

Güei te reto a que te dibuxes.

Dibuxes los tos trazos.
Los tos matices. Les tos llendes.
Dibuxa los grises y tolos tos colores.
Güei te convido a que te dibuxes.
Y te reconozas. Senciella. N’esencia.
Y llena de toles posibilidaes.
Güei te convido a que te dibuxes,
preciosa, imperfecta, vulnerable, única…
y dende ende…camines los tos suaños.