Publicado en Uviéu

¿Qué hai nel subsuelu d´Uviéu?

Un depósitu soterrañu d’agua 40 vegaes mayor que’l banzáu de Barrios de Lluna ocupa les fondures ente la capital y Cangues d’Onís.

¿Qué hai en baxu’l suelu que triamos n’Uviéu, amás de lo construyío pol home nos últimos sieglos? Na escuridá, funcionando como xuna sistema con cientos d’entraes y salíes dende fai milenios, un inmensu acuíferu ocupa’l sosuelu del conceyu y llega hasta Cangues d’Onís nuna franxa más ancha na parte occidental y más allargada y estrecha cuando llega a les estribaciones montascoses orientales.

La reserva d’esi depósitu natural d’agua duce ye ingente: ocupa xuna superficie de 431 kilómetros cuadraos, esto ye, dos vegaes y media la de too el conceyu d’Uviéu. Pa faese xuna idea, ye la equivalente a la de casi 40 vegaes el banzáu de Barrios de Lluna.


Tabayones na escuridá

Un estudiu del Ministeriu de Mediu Ambiente con un perllargu títulu (Encomienda de xestión pa la realización de trabayos científicu-técnicos de sofitu a la sostenibilidá y protección de les agües soterrañes) con un subtítulu entá más llargu, señala que la masa d’agua soterraño (MASb) tien fondures bien variables, cuidao que la cota máxima asitia a 736 metros sobro’l nivel del mar y la mínima a 29 metros. Eso fai suponer terribles cascaes soterrañes.

La MASb ta travesada na superficie per dellos ríos importantes: Sella, Piloña, Nora, Noreña y Nalón, según otros menores como’l Gafo n’Uviéu. Pero recibe la so alimentación d’infiltración, sobremanera, d’agua d’agua. De la mesma, lóxicamente, cuando ta llenu descarga n’otros ríos y tamién a la superficie.

L’informe diz, nesti sentíu, que s’identificaron 91 manantiales, la mayoría d’escasu caudal, el más caudalosu de 5,6 llitros per segundu, anque munchos tán per debaxo de 1,5 llitros per segundu. Bona parte nun s’utiliza: salen en zones despoblaes o montiegues, pero sí sirven pa ganadería y pa suministru a núcleos de población: les clásiques fontes y llavaderos de los pueblos, delles milenaries como la Foncalada.

Hai siete zones húmedes de la masa d’agua subterrána na superficie: Silvota, con una serie de llamargues aniciaes cuando s’urbanizó’l polígonu industrial, la mayoría temporales sacantes una; Latores, con dos llamargues estacionales acomuñaes a una antigua esplotación de magres, anguaño desecaes; El Cristu, con una pequena llaguna natural xuntu al depósitu d’agües que s’alimenta d’una fonte; San Cloyo, d’orixe artificial que se realizó cola estracción de magres pa la fábrica ente 1949 y 1964 y «amuesa xuna serie de comunidaes vexetales importantes»; Ables, tamién artificial pola estracción de materiales pa cerámica; Cualloto, onde hai trés llámines d’agua tamién amestaes al polígonu d’Espíritu Santu; y Los Peñones, xuna zona aguacienta próxima al polígonu, nes cercaníes de Llugones.

Tocantes a la calidá, según los analises químicos de la Confederación Hidrográfica, son agües llimpies y potables qu’a menudos son usaes por CADASA pal suministru d’Uviéu, una y bones el banzáu de Alfilorios nun sería abondu.

 

Autor:

Maestra de Llingua Asturiana Colexu Carmen Ruiz-Tilve - Uviéu