Publicado en Mates

Cuatro líderes mundiales nel campu de les matemátiques

Yves Meyer, Ingrid Daubechies, Terence Tau y Emmanuel Candès, líderes mundiales nel campu de les matemátiques, fueron galardonaos col Premiu Princesa d’Asturies d’Investigación Científica y Técnica 2020. Son los «padres» de la teoría de les ondículas. Les sos aportaciones impulsaron meyores trascendentales n’infinidá de campos, como les comunicaciones y la medicina.

El francés Yves Meyer ta consideráu’l padre de la teoría de ondículas, que tien aplicaciones bien diverses, dende la sismoloxía a la medicina oncolóxica. Ta consideráu como xuno de los grandes matemáticos contemporaneos, foi galardonáu col Premiu Gauss poles sos contribuciones a la teoría de númberos , la teoría del operador y l’analís harmónicu y en 2017 recibió’l Premiu Abel, consideráu’l Nobel de les matemátiques.

Si Meyer ye teníu pol padre de la teoría de ondículas, Ingrid Daubechies, matemática y física belga, sería la madre. Les sos investigaciones dexaron meyores tantu nel resolvimientu de teoremas como nel desenvolvimientu de les comunicaciones y nel ámbitu sanitariu, facilitando la tresmisión de datos d’imaxes. En 2012, el rei Alberto II de Bélxica concedio-y el títulu de Baronesa.

Terence Chi-Shen Tau, que foi una neña maravía, ye un matemáticu australianu, anguaño profesor na Universidá de California, UCLA, que’l so trabayu ta centráu n’analís harmónicu, ecuaciones en derivaes parciales, combinatoria y que contribuyó al desenvolvimientu de la teoría de ondículas.
Los trabayos de Emmanuel Candès, profesor na Universidá de Stanford, fixeron avanzar el procesamientu d’imaxes y l’analís multiescala. En 2006, Candès escribió un artículu con Terence Tau qu’empecipió’l campu de la detección estruyida.

Autor:

Maestra de Llingua Asturiana Colexu Carmen Ruiz-Tilve - Uviéu