Los responsables de «El Bosque» quieren estimar les ayudes para la so supervivencia que tuvieron nesti tiempu. Decidieron realizar unes xornaes de puertes abiertes, dende mañana llunes 22 hasta’l vienres 26 de Xunu, con apertura de 11.00 a 20.00 hores.
«Pasaron munches coses nestos meses tan difíciles, como yá sabéis lo pasemos mal pola falta d’ingresos, con too y con eso siguimos de pies trabayando por una educación y caltenimientu tan necesariu. Nun tenemos d’escaecer nos d’aquellos que s’entornaron en sacanos adelantre y ayudanos de la manera que cada unu pudo, unos mandando alimentos, otros económicamente, a lo último que tamos bien estimosos».
Con esa esplicación, los responsables del centru zoolóxicu uvieín «El Bosque», allugáu en San Esteban de les Cruces, han treslláu güei el so agradecimientu a cuantos-yos echaron un gabitu nos tiempos duros del confinamientu pol estáu d’alarma y comunicaron la bona nueva de que mientres unos díes van recibir visiten ensin pasar por caxa.
«El Bosque» decidió realizar unes xornaes de puertes abiertes, dende mañana llunes 22 hasta’l vienres 26 de Xunu, con apertura de 11.00 a 20.00 hores. «Ye’l nuesu horariu habitual y el pase va ser de forma gratuita, entendiendo qu’a pesar de nun facturar esos díes y anque nos fai falta vender entraes, creemos que ye un bon momentu de dar de nuevu les gracies a tou aquel que d’una manera o otra sofitónos», espliquen.
El pase gratis inclúi a tou tipu de públicos y puede ser, tamién, la forma de siguir dándose a conocer y dando a conocer el trabayu que lleven a cabu nel centru dende va dolce años. El centru zoolóxicu recibe, sobremanera, animales rescataos, asina que cada unu tien xuna hestoria propia que cuntar. Amás, el centru ye’l llugar de morada d’otros animales irrecuperables autóctonos que nun son aptos para lliberar colos que l’equipu de «El Bosque» lleva a cabu llabories educatives colos visitantes.
Páxina con videos grabaos durante la cuarentena
Fonte noticia: La Nueva España
