Publicado en Asturies, Turismu

Turismo Asturies con códigos QR

Turismo Asturies dixitaliza los sos conteníos con códigos QR disponibles nes oficines de turismu


Turismo Asturies, dientro de les condiciones de seguridá sanitaria qu’impon la nueva normalidá, ellaboró una serie de cartelos, nos que figuren códigos QR cola información turística tocante a publicaciones turístiques, ufiertes y escapaes, axenda, onde comer, onde dormir, o compra d’entraes, ente otros aspeutos.

En realidá, trátase de facilitar al turista la información necesaria pa les sos vacaciones, de forma dixital, coles mires de sumase a la filosofía de sostenibilidá y seguridad socio- sanitaria, sol prisma de la optimización integral de recursos. La cartelería va tar disponible en toles oficines de turismu d’Asturies, cubriendo asina tol ámbitu territorial de la Comunidá Autónoma.

Esta estratexa de promoción y espardimientu de conteníos turísticos ye un pasu más nel usu de la tecnoloxía, en pos d’una estancia saludable, facilitando tola información turística d’Asturies a un solu clic, y cola premisa de guardar la distancia social riquida nos espacios públicos.

De siguío figuren los documentos en Pdf que contienen los cartelos, colos distintos códigos QR, y que son descargables y imprimibles en dos formatos: A3 y A4.

Documentos:

 

Autor:

Maestra de Llingua Asturiana Colexu Carmen Ruiz-Tilve - Uviéu