Publicado en Monedes

Moneda Mediu Ambiente: Los Neños y la Solidaridá

  • Autor: Sergio Velasco

2019: Serie los Neños y la Solidaridá. Mediu Ambiente

Motivu conmemorativu: Los Neños y la Solidaridá a traviés de la Natura y el Mediu Ambiente.
Tirada: 320.000
Fecha d’emisión: 21 d’ochobre

Siguiendo cola serie del Bancu Central de Malta, Los neños y la solidaridá, esti añu sofiten dicha idega a traviés de la natura y el Mediu Ambiente.

La Malta Community Chest Fund sofita un programa pa estudiantes d’enseñanza secundaria tituláu From Children in Solidarity. El programa identifica el papel social de los neños en cinco estayes: Amor, Paz, Natura y Mediu Ambiente, Patrimoniu y Xuegos

Nel intre la moneda aparez un árbole frutal asoleyáu. A la manzorga del tueru ta’l nome del país emisor MALTA y l’añu d’acuñación 2019. El diseñu ganador d’esti añu, foi fechu por Joshua Stuart, estudiante del Maria Regina College, asitiáu en Naxxar. El grabador, como siempre, Noel Galea Bason.

No referente a les marques de ceca y les privy marks, decir que les monedes acuñaes pa la so circulación non lleven marca nenguna, non asina les acuñaes pa la Coincard que lleven la marca de la ceca de Pessac (Monnaie de Paris).

Nel aniellu esterior les doce estrelles de la Xunión Europea.

Fonte: Numismática visual

Autor:

Maestra de Llingua Asturiana Colexu Carmen Ruiz-Tilve - Uviéu