Lluvia de chicolate: una avería n’una fábrica de Suiza adulza un pueblu enteru.
- L’avería producióse na fábrica de Lindt & Sprüngli de Olten
- Un fallu n’una de les máquines na fábrica de chocolate de Lindt provocó la peculiar escena.
Estropióse’l sistema de ventilación que foi lliberando’l chocolate al esterior. El vientu d’estos díes nel norte de Suiza arrobinó’l polvu de cacáu.
Según informen el diariu The Guardian , el defectu na ventilación foi na área de la fábrica onde se turra y muelen los granos de cacáu, base para’l chicolate, y combináu colos fuertes vientos de la ciudá la pasada fin de selmana, provocó que’l polvu de cacáu saliera polos conductos de ventilación y dexara una fina capa por tolo que s’atopó al so pasu.
Azucre, cacáu y mantega de cacáu son los trés ingredientes necesarios para ellaborar unu de los alimentos que más pasiones llevanta nel mundu: el chicolate. Más de trés mil años adulzando’l cielu la boca de too el mundu ya inclusive celebrando’l Día Internacional del Chocolate cada 13 de setiembre, conmemorando amás la nacencia de Roald Dahl, autor del famosu cuentu Charlie y la Fábrica de Chocolate . Porque, ¿a qué amante del chocolate nun-y gustaría vivir nesa fábrica o n’una ciudá fecha de chocolate?
Bien, pos el suañu de dalgún pue que fixérase realidá, porque la ciudá suiza de Olten, barganal de Zurich, vivió daqué paecencia va unos díes, y tou gracies a un fallu na maquinaria de la popular fábrica de chocolates Lindt, allugada na ciudá. Un pequenu problema na ventilación d’una de les sos máquines provocó que la ciudá amaneciera cubierta por una fina capa de chocolate.
Diose cunta un vecín dempués d’atopar el so coche envueltu n’una especie de folla con más pinta de chocolate qu’otra cosa. Al cuestionase si realmente podía tratase de la delicia suiza, la fábrica de Lindt & Sprüngli confirmó: una avería nel sistema de ventilación ta espolvoriscando cacáu perdayures.
De xacíu la noticia corrió como la espluma nes redes, que nun dan creitu de tantu acontecimientu surrealista esti 2020. El sistema de ventilación y los vientos ficieron arrobináu.
Según esplicó la marca de chocolates de luxu que trunfa toles navidaes, tou empezó nel sistema de ventilación de refrixeración nel procesu de turráu del cacáu. A midida que el chocolate diba saliendo al esterior, los vientos d’estos díes fixeron el restu.
Estes partícules son inofensives para los seres humanos y el mediu ambiente, según publicó un mediu local, pero la empresa ta trabayando «por que les emisiones vuelvan a la normalidá», y va encargase de llimpiar el coche del home que lo atopó cubiertu de chocolate, dixo la vocera de Lindt, Sara Thallner. Los dueños de la fábrica ufiertáronse pa pagar los gastos de llimpieza d’aquello que pudiera tar puercu (como vehículos), pero paez ser que naide qu’atopara dalguna de les sos pertenencies cubierta de chocolate apaeció pa reclamar daños y perxuicios.