?♀️⛱?¿Te gusta esfrutar la naturaleza? ? Antes d’aventurate, consulta estos conseyos prácticos de Turismo Asturias pa prestate nel monte ⛰ y na mariña ?con seguridá.
Asina que:
1) Nun abandones nin sotierres la basura. Llévatela a onde haya serviciu de recoyida. Y ten curiáu col fueu. Nun prendas nunca fogueres. La opción más segura ye llevar la comida preparada.
2) Respeta y curia les fontes, ríos y otros recursos hídricos. L’agua ye un bien esencial y universal, y de cutiu, escasu. Nun arrames nellos xabones, deterxentes, productos contaminantes nin borrafes.
3) Recuerda que la naturaleza nun ye un taller nin ta habilitada como tal. Por tanto, cualquier manipulación o procesu en vehículos de tracción mecánica (cambeos d’aceite, llavaos, etc.) nun puede realizase en plena naturaleza, pol consiguiente riesgu de contaminación medioambiental.
4) Nun practiques l’acampada llibre. Utiliza los llugares preparaos para ella. La instalación de la tienda estropia’l terrén. Respeta siempres les praderíes sobro les qu’acampes, y nun estroces el so suelu cavando cabianes o furacos.
5) Recuerda que la flora y la fauna son los auténticos moradores de la naturaleza, y esta ye la so casa. Por ello nun arrinques flores o cañes, nin fadies a la fauna. Apriende a reparar, respetando. Amás, nun escaezas que munchos d’ellos tán protexíos por llei.
6) Utiliza lo menos posible vehículos a motor. Úsalos tan solo pa movete per carretera, y si tienes que dir per pistes, circula amodo, ensin salite d’elles y faciendo el menor ruiu posible. La contaminación acústica tamién ye lesiva pal mediu natural.
7) Siempres que faigas xuna ruta o cualquier actividá, calten la redolada como lo atopes: dexa esactamente igual los pasos o verxes y respeta la propiedá privada. Non tolo qu’hai na naturaleza ye un bien comunal. Con ello salvaguardes los vezos de los animales, y tamién de ganaderos y pastores, y polo xeneral de toes aquelles persones que viven en y del mediu natural.
8) Respeta les tierres de cultivu, cruciando siempres pelos senderos, ensin triar lo semao. Les colleches son el sustentu de munches families y son fundamentales pal suministru de la sociedá. Amás, nun faigas atayos pola to cuenta, que namá sirven pa deteriorar el suelu o faer sumir el senderu orixinal.
9) Recuerda que, si vas cola to mascota, va deber de dir atada por que nun fadie nin asuste al ganáu o otros animales, o a otros senderistes.
10) Si vas como acompañante d’una o más persones con discapacidá, busca dos tales accesibles o llugares de bon accesu, y ta pindiu d’elles en tou momentu, cumpliendo toles pautes riquíes tantu de seguridá, como de respetu al mediu. Y lo mesmo, si vas con neños pequenos.
