- Ficha Editorial ASTURIANU / versión: castellán / portada /
- Dosier prensa · El cantar de la Reina Unicorniu
- ISBN: 978-84-128970-0-5 / 21 x 15 cm / Páxines: 32 /
- Testu: Pablo Fraile Dorado / Ilustraciones: Antonio Acebal
- Noticia LNE /
«El cantar de la Reina Unicorniu» (Editorial Delallama), ye la tercer collaboración ente l’escritor Pablo Flaire y el ilustrador Antonio Acebal, dambos mierenses. Retomen los patrones narrativos del cuentu popular y actualícenlu dende una perspectiva y xuna sensibilidá contemporanees. «Los vieyos cuentos pueden siguir cuntándose, nel so contestu, si se quier, y los autores tendríamos de conocelos y apoderar la so estructura pa crear nueses mesmes hestories, afeches a les necesidaes de les sociedaes actuales, qu’evidentemente nun son les mesmes que nel Neolíticu».
Cada añu la reina Zonraconebū, viuda y ensin fíos, recibe a mil un guaḥes nos xardinos de la corte. En palaciu, los neños deprienden y crecen, y el reinu espoxiga con ellos, masque’l rei del país vecín envidia a Zonraconebū y traza planes escuros col envís d’entamar una guerra.
Col enemigu avanzando, un bruxu apaez pela corte. A cambiu de los unicornios del reinu, seres máxicos y amenazaos, el bruxu ofrez a la reina terminar cola guerra d’un golpe. Zonraconebū, que refuga la primer ufierta, acaba rindida énte’l so mayor deséu: la idea de tener una fía.
L’iniciu de «El cantar de la Reina Unicorniu».
