«Voces poles Lletres» 2025 na facultá de Filosofía y Lletres d’Uviéu

Día Internacional del Llibru y Festividá de San Isidoro de Sevilla (patrón del cetru): «Voces poles Lletres» 2025.  El próximu miércoles 23 d’abril la Facultá de Filosofía y Lletres súmase con una llectura pública d’estudiantes y profesores del Campus n’español, inglés, alemán, francés, portugués, italianu y asturianu. 

Para ello, a partir de les 10:10 hores va tener llugar nel antepar de la primer planta del Edificiu Departamental del Campus d’El Milán de la Universidá d’Uviéu l’actividá Voces poles lletres, qu’algama yá la so tercer edición. Trátase d’una llectura pública siguida per parte de más de cuarenta profesores y estudiantes del centru mientres casi cuatro hores. van lleese fragmentos correspondientes a una amplia tipoloxía de testos lliterarios —novela, ensayu, relatu curtiu, poesía, teatru…— pertenecientes a la obra de catorce autores de los qu’anguaño se cumplen redondes efemérides:

• El monarca portugués Dinís I, rei poeta, fináu va siete sieglos.
• L’artista florentín Michelangelo Buonarroti, poeta amás d’escultor o pintor, nacíu fai 550 años.
• La xixonesa Xosefa Xovellanos, poetisa que nació fai 280 años. 63-66 / 102 – 105
• La novelista inglesa Jane Austen, que’l so 250 aniversariu celébrase anguaño.
• El poeta mierense Teodoro Cuesta, fináu fai 130 años.
• L’escritor nantés Jules Verne, quien morrió fai 120 años.
• El poeta y novelista Rainer Maria Rilke, unu de los principales lliteratos en llingua alemana, nacíu va sieglu y mediu.
• El poeta andaluz Antonio Machado, nacíu fai 150 años.
• L’autor lionés Antoine de Saint-Exupéry, que nació fai 150 años.
• El dramaturgu, poeta y novelista irlandés Oscar Wilde, que nació fai 125 años.
• El poeta uvieín Ángel González, de quien se conmemora anguaño’l centenariu.
• La escritora salmantina Carmen Martín Gaite, qu’anguaño cumpliría cien años.
• El novelista sicilianu Andrea Camilleri, que cumpliría anguaño un sieglu.
• La filósofa, historiadora y escritora alemana Hannah Arendt, finada fai 50 años.

L’actu, va ser inauguráu pol decanu de la Facultá de Filosofía y Lletres, Francisco Martín Miguel. Al términu del mesmu, y asocediéndose más de cuarenta llectores, el Vicedecano d’Estudiantes, Actividaes Culturales y Comunicación de la mesma va clausurase cerca de les 14:00 hores. Trátase d’una actividá abierta a la totalidá de la comunidá universitaria y el públicu xeneral.