- Fonte: El Fielato / Noticia /
Una de les cites obligaes nel branu asturianu tien llugar n’Arenas de Cabrales. Ellí, solo güei, nel so certame añal, vendiéronse mil quilos de quesu cabrales. Dende primer hora, cientos de persones pasaron polos puestos para tastiar les múltiples variedaes nos tradicionales puestos.
Güei celebróse’l LII Certame del Quesu de Cabrales, que va pasar a la hestoria pol preciu qu’algamó na puya pol meyor quesu de Cabrales de Mundu, del añu 2024, ellaboráu pola quesería Ángel Díaz Herrero de Tielve, que tien de maestra quesera a Encarnación Bada, pol que pagó 36.000 euros el Llagar de Cualloto.
Iván Suárez, propietariu del establecimientu hosteleru uvieín, llevóse de cai les últimes cuatro puyes del Certame del Cabrales, colos 36.000 euros d’anguaño, lleva invertíu 117.800 euros en total, para adquirir cinco quesos, los que se puyaron en 2028, 2019, 2022, 2023 y 2024 (en 2020 y 2021 nun hubo certame por causa de la pandemia).
